Tanymal ánshi ári prodiýser Móldir Muqanova áleýmettik jelidegi paraqshasynda áserli jazba jariialap, ózine qoldaý bildirip júrgen halyqqa alǵysyn aitty. Óner iesi kópshiliktiń ystyq yqylasy men aq tilekteri ómirine erekshe kúsh beretinin jetkizdi, dep habarlaidy dalanews.kz.
Móldir Muqanova sońǵy ýaqytta qaida barsa da, úlkenderdiń batasyn alyp, qatarlastary men jastardyń qurmetine bólenip júrgenin jazdy. Onyń aitýynsha, qarapaiym adamdardyń shynaiy yqylasy kóńilin kóterip, ózine degen senimin arttyrady.
Ánshi ásirese áleýmettik jelidegi oqyrmandaryna erekshe rizashylyǵyn bildirdi.
"Sábi Móldir, erke Móldirdi oiatqan árbir oqyrmanyma alǵys aitamyn, ras sizder erkeletkende ózimdi bópe, sábi sezinemin. Bilseńizder ǵoi, sizderdi qalai jaqsy kóretinimdi. Qai jaqqa barsam da úlkender mańdaiymnan súiip, arqamnan qaǵyp eńsemdi kóterip jiberedi. Qatarlas qurbylarym shaiǵa shaqyryp, syilyqtaryn syilap keýdelerine qysyp qushaqtap jatady. Kishiler de sýretke túsip, syilap, qurmet kórsetip jatady.
Instaoqyrmandarym, sizder tipti erekshesizder. Maǵan berip otyrǵan batalaryńyz qabyl bolsyn. Jaqsy tilekterińiz meni keremet qanattandyryp júr. Abyroi Alladan árine. Meni osylai jaratty, osy bar bolmysymmen qabyldaǵandaryńyz úshin, keń júrekterińiz úshin raqmet aita bergim keledi.
Ana retinde, adam retinde elime paidam tise, qundy qyzmet jasasam degen nietimdi, Jaratýshym qabyl ete gór!" – dep jazdy óner iesi.
Móldir Muqanova ózin bar bolmysymen qabyldap, qoldaý kórsetip júrgen jandardyń árqaisysyna rizashylyǵyn jetkizdi.
