Ormýz buǵazynda 2 million barrelden astam munai tasymaldap bara jatqan sýpertanker teńiz minasyna jaryldy. Jarylystan keiin kemede órt shyqqan, dep habarlaidy dalanews.kz TASS agenttigine silteme jasap.
Irannyń Tasnim aqparat agenttigi Islam revoliýtsiiasy saqshylary korpýsyna (IRSK) silteme jasap, tankerdiń Iran belgilegen Ormýz buǵazy arqyly ótý erejelerin buzǵanyn málimdedi.
Iran áskerileriniń málimetinshe, keme aldyn ala kelisilmegen baǵytpen qozǵalǵan. Sonymen qatar sýpertankerdiń ornalasqan jerin baqylaýǵa múmkindik beretin qadaǵalaý júiesi óshirilgen.
Saldarynan tanker teńiz minasyna jarylyp, bortynda órt shyqqan.
Ázirge zardap shekkender týraly jáne kemege qanshalyqty zaqym kelgeni jóninde resmi aqparat jariialanǵan joq.
Aita keteiik, Ormýz buǵazy – álemdegi munai tasymaly úshin strategiialyq mańyzy bar teńiz joldarynyń biri. Bul baǵyttaǵy kez kelgen iri oqiǵa halyqaralyq munai jetkizilimine qaýip tóndirýi múmkin.
