– مەملەكەتتىك ءتىلدىڭ باق-تاعى ۇلەسى ارتا ءتۇستى. مىسالى، وتكەن جىلى مەملەكەتتىك باق-تاعى قازاق تىلىندەگى كونتەنتتىڭ ۇلەسى 83 پايىزدى قۇرادى. اتاپ ايتقاندا، تەلەارنالارداعى قازاق ءتىلىنىڭ ۇلەسى 77 پايىزعا جەتسە، باسپا باق-تاعى – 85 پايىز، ينتەرنەت-رەسۋرستاردا – 87 پايىزعا جەتتى، – دەپ مينيستر ماڭىزدى دەرەكتەرمەن ءبولىستى.
ءمينيستردىڭ ايتۋىنشا، قازىرگى ۋاقىتتا مەديا نارىقتا قازاق ءتىلدى باق-قا جارناما بەرۋشىلەر قاتارى دا ارتا تۇسكەن.
قازاقستاندىق رەسۋرستاردا PR ماقالالاردىڭ ورنالاستىرۋدىڭ ءوسىمى بايقالادى. وسى رەتتە ينتەرنەت-جارنامانى رەتتەۋ، الەۋمەتتىك جەلىلەردەگى ينتەرفەيس پەن جارنامالىق الگوريتمدەردى، مونەتيزاسيالاۋ جۇيەسىن قازاق تىلىندە جاساۋ وتە ماڭىزدى.
– اتالعان ماسەلە مينيسترلىك ازىرلەپ جاتقان «ينتەرنەت-جارناما جانە ونلاين-پلاتفورمالار تۋرالى» زاڭ جوباسىندا قاراستىرىلۋدا. جالپى، بۇل زاڭ جوباسى ءبىرىنشى كەزەكتە ازاماتتاردىڭ قۇقىعىن قورعاۋعا، ونلاين-ورتانى ءقاۋىپسىز جانە اشىق تۇردە دامىتۋعا باعىتتالعان. وزدەرىڭىزگە بەلگىلى، بۇگىندە ب ا ق سالاسىنداعى زاڭنامانى جەتىلدىرۋ جۇمىستارى ءجۇرىپ جاتىر، – دەدى دارحان ءقىدىرالى.
