Seiiljan Ahmetov QR Qarjy ministrligi Memlekettik kirister komiteti tóraǵasynyń orynbasary laýazymyna taǵaiyndaldy, – dep habarlaidy Dalanews.kz QR QM Memlekettik kirister komitetiniń baspasóz qyzmetine silteme jasap.
Seiiljan Ádilhanuly Ahmetov - 1980 jyly týǵan, bilimi joǵary. 2000 jyly Rýdnyi memlekettik indýstriialyq institýtyn «ekonomika jáne menedjment, ekonomist-menedjer», 2003 jyly A. Baitursynov atyndaǵy Qostanai memlekettik ýniversitetin «quqyqtaný, zańger», 2008 jyly akademik Z.Aldamjar atyndaǵy Qostanai áleýmettik-tehnikalyq ýniversitetin «kólik bakalavry», 2017 jyly A. Baitursynov atyndaǵy Qostanai memlekettik ýniversitetin «quqyqtaný, quqyq magistri» jáne 2020 jyly Resei Federatsiiasy Prezidentiniń janyndaǵy Resei halyq sharýashylyǵy jáne memlekettik qyzmet akademiiasyn «ekonomika ǵylymdarynyń magistri» mamandyqtary boiynsha támamdaǵan.
Eńbek jolyn 2000 jyldyń qazan aiynda Qostanai oblysy Rýdnyi qalasy boiynsha Salyq komitetiniń Jeke tulǵalar aýditi bóliminiń mamany bolyp bastap, ári qarai bas maman, bólim basshysy bolyp jumys istedi.
2005 - 2008 jyldary Qostanai oblysy boiynsha Salyq departamenti basqarmasynyń basshysy bolǵan.
2008 - 2011 jyldary Qostanai oblysy Qarasý aýdany boiynsha salyq basqarmasynyń basshysy qyzmetin atqardy.
2011 jylǵy aqpannan 2014 jylǵy qarashaǵa deiin Qostanai oblysy boiynsha Salyq departamentiniń bastyǵy jáne Qostanai oblysy Rýdnyi qalasy boiynsha salyq basqarmasynyń basshysy qyzmetterin atqardy.
2014 - 2020 jyldary Qostanai oblysy Rýdnyi qalasy boiynsha memlekettik kirister basqarmasynyń basshysy jáne Qostanai oblysy boiynsha memlekettik kirister departamenti basshysynyń orynbasary laýazymdarynda qyzmet atqardy.
