سەيىلجان احمەتوۆ ق ر قارجى مينيسترلىگى مەملەكەتتىك كىرىستەر كوميتەتى ءتوراعاسىنىڭ ورىنباسارى لاۋازىمىنا تاعايىندالدى، – دەپ حابارلايدى Dalanews.kz ق ر قم مەملەكەتتىك كىرىستەر كوميتەتىنىڭ باسپا ءسوز قىزمەتىنە سىلتەمە جاساپ.

سەيىلجان ءادىلحان ۇلى احمەتوۆ - 1980 جىلى تۋعان، ءبىلىمى جوعارى. 2000 جىلى رۋدنىي مەملەكەتتىك يندۋستريالىق ينستيتۋتىن «ەكونوميكا جانە مەنەدجمەنت، ەكونوميست-مەنەدجەر»، 2003 جىلى ا. بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىن «قۇقىقتانۋ، زاڭگەر»، 2008 جىلى اكادەميك ز.الدامجار اتىنداعى قوستاناي الەۋمەتتىك-تەحنيكالىق ۋنيۆەرسيتەتىن «كولىك باكالاۆرى»، 2017 جىلى ا. بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىن «قۇقىقتانۋ، قۇقىق ماگيسترى» جانە 2020 جىلى رەسەي فەدەراسياسى پرەزيدەنتىنىڭ جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن «ەكونوميكا عىلىمدارىنىڭ ماگيسترى» ماماندىقتارى بويىنشا ءتامامداعان.

ەڭبەك جولىن 2000 جىلدىڭ قازان ايىندا قوستاناي وبلىسى رۋدنىي قالاسى بويىنشا سالىق كوميتەتىنىڭ جەكە تۇلعالار ءاۋديتى ءبولىمىنىڭ مامانى بولىپ باستاپ، ءارى قاراي باس مامان، ءبولىم باسشىسى بولىپ جۇمىس ىستەدى.

2005 - 2008 جىلدارى قوستاناي وبلىسى بويىنشا سالىق دەپارتامەنتى باسقارماسىنىڭ باسشىسى بولعان.

2008 - 2011 جىلدارى قوستاناي وبلىسى قاراسۋ اۋدانى بويىنشا سالىق باسقارماسىنىڭ باسشىسى قىزمەتىن اتقاردى.

2011 جىلعى اقپاننان 2014 جىلعى قاراشاعا دەيىن قوستاناي وبلىسى بويىنشا سالىق دەپارتامەنتىنىڭ باستىعى جانە قوستاناي وبلىسى رۋدنىي قالاسى بويىنشا سالىق باسقارماسىنىڭ باسشىسى قىزمەتتەرىن اتقاردى.

2014 - 2020 جىلدارى  قوستاناي وبلىسى رۋدنىي قالاسى بويىنشا مەملەكەتتىك كىرىستەر باسقارماسىنىڭ باسشىسى جانە قوستاناي وبلىسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى لاۋازىمدارىندا قىزمەت اتقاردى.