ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ پروفەسسورى, گەوگرافييا عىلىمدارىنىڭ دوكتورى مارات يشانقۇلوۆ قازاقستان پرەزيدەنتٸنە ٷندەۋ جاساپ, الاياقتاردىڭ قۇربانى بولعانىن ايتتى. ونىڭ سٶزٸنشە, ول جالعىز باسپاناسى مەن ٶمٸر بويى جيناعان قاراجاتىنان ايىرىلعان, دەپ حابارلايدى dalanews.kz.
الاياقتار ٶزٸن ۋنيۆەرسيتەت قىزمەتكەرلەرٸ رەتٸندە تانىستىرعان
عالىمنىڭ ستۋدەنتتەرٸنٸڭ ايتۋىنشا, بٸرنەشە اي بويى بەلگٸسٸز ادامدار مارات يشانقۇلوۆقا تەلەفون شالىپ, WhatsApp ارقىلى حابارلاما جٸبەرٸپ وتىرعان. ولار ٶزدەرٸن ۋنيۆەرسيتەت قىزمەتكەرلەرٸ, زاڭگەرلەر جەنە مەملەكەتتٸك ورگانداردىڭ ٶكٸلدەرٸ رەتٸندە تانىستىرعان.
ستۋدەنتتەردٸڭ سٶزٸنشە, الاياقتار بٸرتٸندەپ پروفەسسوردىڭ سەنٸمٸنە كٸرٸپ, تٷرلٸ نۇسقاۋلارىن ورىنداتقان.
پەتەرٸن ساتىپ, اقشاسىن دوللارعا ايىرباستاعان
ستۋدەنتتەردٸڭ مەلٸمەتٸنشە, ەگدە جاستاعى عالىم استاناداعى پەتەرٸن 39 ميلليون تەڭگەگە ساتىپ جٸبەرگەن. ودان كەيٸن ول بانكتەگٸ قاراجاتىن شەشٸپ الىپ, ونى دوللارعا ايىرباستاعان. كەيٸن شامامەن 71,4 مىڭ دوللاردى كۋرەر ارقىلى بەلگٸسٸز ادامدارعا بەرگەن. وقيعا بويىنشا پوليتسيياعا ارىز تٷسٸرٸلگەننەن كەيٸن قىلمىستىق ٸس قوزعالعان.
ستۋدەنتتەردٸڭ ايتۋىنشا, تەرگەۋ بارىسىندا ۇرلانعان اقشا تابىلىپ, قايتارىلعان.
اقشانى زاڭگەرگە سەنٸپ تاپسىرعان
الايدا وقيعا مۇنىمەن اياقتالماعان. ستۋدەنتتەردٸڭ نۇسقاسىنا سەيكەس, پروفەسسوردىڭ مٷددەسٸن قورعاۋعا تيٸس بولعان زاڭگەر سوت پروتسەستەرٸ اياقتالعانعا دەيٸن قاراجاتتى ساقتاۋعا بەرۋ قاجەتتٸگٸن ايتقان. مارات يشانقۇلوۆتىڭ ايتۋىنشا, وسىدان كەيٸن ول اقشاسىن قايتارا الماعان.
پروفەسسور پرەزيدەنتتەن كٶمەك سۇرادى
88 جاستاعى عالىم قازٸر جالعىز باسپاناسىنان دا ايىرىلىپ قالۋى مٷمكٸن ەكەنٸن مەلٸمدەدٸ. ول مەملەكەت باسشىسىنان ٸستٸڭ ەدٸل ەرٸ وبەكتيۆتٸ تەرگەلۋٸن قامتاماسىز ەتۋدٸ سۇرادى. ستۋدەنتتەرٸ ۇستازىن قورعاۋعا شىقتى
پروفەسسوردى ونىڭ شەكٸرتتەرٸ دە قولداپ وتىر.
ولار مارات يشانقۇلوۆتىڭ 88 جاستا ەكەنٸن, ونىڭ بالالارى مەن نەمەرەلەرٸ جوق ەكەنٸن اتاپ ٶتتٸ. ستۋدەنتتەردٸڭ ايتۋىنشا, عالىمنىڭ مٷددەسٸن قورعايتىن جاقىن تۋىستارى بولماعاندىقتان, ولار ۇستازدارىنىڭ جاعدايىنا الاڭداپ وتىرعاندارىن جەتكٸزدٸ.
