قازاقستاندىق شاحماتشى بيبٸسارا اساۋباەۆا ەلەۋمەتتٸك جەلٸدە ٶزٸنە باعىتتالعان سىندارعا جاۋاپ بەرٸپ, سپورتتىق ازاماتتىعىن نە سەبەپتٸ اۋىستىرعانىن تٷسٸندٸردٸ, دەپ حابارلايدى dalanews.kz.
سپورتشىنىڭ ايتۋىنشا, مانسابى بارىسىندا ەڭ اۋىر نەرسەنٸڭ بٸرٸ – ٶز قانداستارىنىڭ قولداۋ كٶرسەتۋٸ قيىن بولعانى.
«مۇنى مويىنداعىم كەلمەسە دە, ٶكٸنٸشكە قاراي, بۇل شىندىق. بٷكٸل مانسابىمدا قازاقتارعا ٶز جەتٸستٸگٸڭە قۋانىپ, قولداۋ كٶرسەتۋ ەڭ قيىن بولدى», – دەپ جازدى شاحماتشى.
«مەن ەردايىم قازاقستان ازاماتى بولدىم»
بيبٸسارا اساۋباەۆا ٶزٸنٸڭ رەسەي اتىنان ٶنەر كٶرسەتكەن كەزەڭٸنە دە توقتالدى. ونىڭ سٶزٸنشە, ول 12 جاستان 15 جاسقا دەيٸن عانا رەسەي قۇراماسى ساپىندا جارىستارعا قاتىسقان جەنە قازاقستانعا 2019 جىلى, كەيٸنگٸ گەوساياسي وقيعالار باستالماي تۇرىپ ورالعان.
«ماعان رەسەي ٷشٸن وينادىڭ دەپ جازادى. يە, مەن بالا كەزٸمدە, 12 جاستان 15 جاسقا دەيٸن رەسەي اتىنان ٶنەر كٶرسەتتٸم. بٸراق قازاقستانعا 2019 جىلى, بەرٸ باستالماي تۇرىپ ورالدىم», – دەدٸ ول.
شاحماتشى سپورتتىق ازاماتتىعىن اۋىستىرۋ قارجىلاندىرۋ مەسەلەسٸنە بايلانىستى بولماعانىن ايتتى.
«سپورتتىق ازاماتتىقتى اۋىستىرۋدىڭ سەبەبٸ قارجىدا ەمەس ەدٸ. مەن ەردايىم قازاقستان ازاماتى بولدىم. مەسەلە تۋعان اعامدا بولدى. ول مەنٸڭ دامۋىما كەدەرگٸ كەلتٸرٸپ, تٷرلٸ قيىندىقتار تۋعىزدى», – دەپ جازدى اساۋباەۆا.
اعاسى تۋرالى نە ايتتى?
بيبٸسارانىڭ ايتۋىنشا, تۋىسى سول كەزدە قازاقستان رەسپۋبليكاسى پرەزيدەنتٸ ەكٸمشٸلٸگٸندە قىزمەت ەتكەن.
«ول پرەزيدەنت ەكٸمشٸلٸگٸندە جۇمىس ٸستەدٸ. قىزمەتٸنەن كەتكەننەن كەيٸن عانا بٸز قازاقستانعا قايتا ورالدىق جەنە بۇل جاعداي تۋرالى اشىق ايتتىق. ەگەر ادامدار وسى مەسەلەنٸ ازداپ بولسا دا زەرتتەگەندە, ٶزدەرٸن سونشالىقتى قاتىگەز ەرٸ اقىماق ۇستاماس ەدٸ», – دەدٸ سپورتشى.
«قازاق تٸلٸن ٷيرەنٸپ جٷرمٸن»
شاحماتشى قازاق تٸلٸن مەڭگەرۋ مەسەلەسٸنە دە توقتالدى. ونىڭ ايتۋىنشا, جارىستار مەن وقۋ-جاتتىعۋ جيىندارىنىڭ تىعىز كەستەسٸنە قاراماستان, قازاق تٸلٸن ٷيرەنۋگە ۋاقىت بٶلٸپ جٷر.
«مەنٸڭ پاراقشاما جازىلعان ادامدار كەستەمدٸ جاقسى بٸلەدٸ. 1 جەلتوقساننان بەرٸ ٷيدە بار بولعانى 12-15 كٷن عانا بولدىم. سوعان قاراماستان, وقۋ-جاتتىعۋ جيىندارى كەزٸندە قازاق تٸلٸن وقىپ جٷردٸم. بٸراق وسىنشاما جەككٶرۋشٸلٸك پەن حەيتتٸ كٶرگەن سايىن وعان دەگەن ىنتا ازايا بەرەدٸ», – دەپ جازدى ول.
مينيسترلٸكتٸ سىنادى
بيبٸسارا اساۋباەۆا جازباسىنىڭ سوڭىندا تۋريزم جەنە سپورت مينيسترلٸگٸنٸڭ ۇستانىمىنا قاتىستى دا پٸكٸر بٸلدٸردٸ.
«ەگەر بٸزدٸڭ مينيسترلٸك شاحمات ماڭىزدى ەمەس دەپ ايتۋدان ەرٸ مەنٸڭ پاراقشاما بوتتاردى جٸبەرۋدەن باسقا ەشتەڭە ٸستەي الماسا, وندا ولاردىڭ قۇنى كٶك تيىن», – دەپ مەلٸمدەدٸ شاحماتشى.
ەسكە سالايىق, بۇعان دەيٸن تۋريزم جەنە سپورت مينيسترلٸگٸ بيبٸسارا اساۋباەۆانىڭ جالاقىسىنىڭ قىسقارۋى شاحماتتىڭ باسىم سپورت تٷرلەرٸ قاتارىنان شىعارىلۋىنا بايلانىستى ەكەنٸن حابارلاعان بولاتىن.
ايتا كەتەيٸك, ەڭگٸمە باعلان مايلىباەۆ تۋرالى دەگەن اقپارات تارادى. ول – قازاقستان پرەزيدەنتٸ ەكٸمشٸلٸگٸ باسشىسىنىڭ بۇرىنعى ورىنباسارى. ول 2011-2017 جىلدارى وسى قىزمەتتٸ اتقارىپ, ٸشكٸ ساياسات پەن يدەولوگييا مەسەلەلەرٸنە جەتەكشٸلٸك ەتتٸ. بۇعان دەيٸن پرەزيدەنتتٸڭ باسپاسٶز حاتشىسى, مەدەنيەت جەنە اقپارات ۆيتسە-مينيسترٸ قىزمەتتەرٸندە بولعان.
2017 جىلى ۇلتتىق قاۋٸپسٸزدٸك كوميتەتٸ ونى مەملەكەتتٸك قۇپييالاردى زاڭسىز جيناۋ, تاراتۋ جەنە جارييا ەتۋ كٷدٸگٸمەن ۇستادى. كەيٸن سوت مايلىباەۆتى قىزمەتتٸك ٶكٸلەتتٸگٸن تەرٸس پايدالانۋ جەنە مەملەكەتتٸك قۇپييالارعا قاتىستى زاڭ بۇزۋشىلىقتار بويىنشا كٸنەلٸ دەپ تانىپ, 5 جىلعا باس بوستاندىعىنان ايىردى. ونىڭ مٷلكٸ تەركٸلەنٸپ, مەملەكەتتٸك قىزمەتتە جۇمىس ٸستەۋ قۇقىعىنان ٶمٸر بويىنا ايىرىلدى.
2020 جىلى ول مەرزٸمٸنەن بۇرىن بوساتىلعانى تۋرالى اقپارات تارادى.
