Memleket basshysy Qasym-Jomart Toqaev búgin, 2025 jyly 8 qazanda ekonomikalyq damý sapasyn arttyrý jáne baǵa turaqtylyǵyn qamtamasyz etý máseleleri boiynsha keńes ótkizdi, dep habarlaidy Dalanews.kz Aqordanyń baspasóz qyzmetine silteme jasap.
Jiynǵa Premer-ministr, Prezident Ákimshiliginiń basshylyǵy, Ulttyq banktiń tóraǵasy, Qarjy naryǵyn retteý jáne damytý agenttiginiń, Strategiialyq josparlaý jáne reformalar agenttiginiń jetekshileri men Úkimet músheleri qatysty.
Keńes barysynda makroekonomikalyq ornyqtylyqty nyǵaitý, azamattardyń ál-aýqatyn kóterý jáne infliatsiia deńgeiin tómendetý sharalary qaraldy.
Prezident halyqtyń tabysyn jaqsartýda sannan sapaǵa kóshýdiń mańyzdy ekenin atap ótti.
Qasym-Jomart Toqaev ekonomikany ornyqty damytý úshin barlyq jaýapty memlekettik organdardyń júieli jumys isteýi kerek ekenin aitty.
Aita ketsek, keibir sarapshy bul keńeste Ulttyq Banktiń Aqsha-nesie saiasaty jónindegi komiteti bazalyq mólsherlemege qatysty 10 qazanda qabyldaýy tiis sheshimine qatysty máseleler talqylanǵan bolýy múmkin dep topshylaidy. Qazaqstan qarjygerleri qaýymdastyǵy júrgizgen saýalnama qorytyndysyna sáikes, qarjy naryǵy ókilderiniń 73 paiyzy bazalyq mólsherleme taǵy kóteriledi dep sanaidy. Sondai-aq amerikalyq bank - JP Morgan Qazaqstanda bazalyq mólsherleme kem degende 100 b.p-ǵa ósetinin boljaidy. Al bul Qazaqstanda nesieler qymbattap ári qoljetimsiz bola túsetinin bildiredi. Onyń tikelei sebebin myna aradan oqi alasyzdar.
