مەملەكەت باسشىسى قاسىم-جومارت توقاەۆ بٷگٸن, 2025 جىلى 8 قازاندا ەكونوميكالىق دامۋ ساپاسىن ارتتىرۋ جەنە باعا تۇراقتىلىعىن قامتاماسىز ەتۋ مەسەلەلەرٸ بويىنشا كەڭەس ٶتكٸزدٸ, دەپ حابارلايدى Dalanews.kz اقوردانىڭ باسپاسٶز قىزمەتٸنە سٸلتەمە جاساپ.
جيىنعا پرەمەر-مينيستر, پرەزيدەنت ەكٸمشٸلٸگٸنٸڭ باسشىلىعى, ۇلتتىق بانكتٸڭ تٶراعاسى, قارجى نارىعىن رەتتەۋ جەنە دامىتۋ اگەنتتٸگٸنٸڭ, ستراتەگييالىق جوسپارلاۋ جەنە رەفورمالار اگەنتتٸگٸنٸڭ جەتەكشٸلەرٸ مەن ٷكٸمەت مٷشەلەرٸ قاتىستى.
كەڭەس بارىسىندا ماكروەكونوميكالىق ورنىقتىلىقتى نىعايتۋ, ازاماتتاردىڭ ەل-اۋقاتىن كٶتەرۋ جەنە ينفلياتسييا دەڭگەيٸن تٶمەندەتۋ شارالارى قارالدى.
پرەزيدەنت حالىقتىڭ تابىسىن جاقسارتۋدا ساننان ساپاعا كٶشۋدٸڭ ماڭىزدى ەكەنٸن اتاپ ٶتتٸ.
قاسىم-جومارت توقاەۆ ەكونوميكانى ورنىقتى دامىتۋ ٷشٸن بارلىق جاۋاپتى مەملەكەتتٸك ورگانداردىڭ جٷيەلٸ جۇمىس ٸستەۋٸ كەرەك ەكەنٸن ايتتى.
ايتا كەتسەك, كەيبٸر ساراپشى بۇل كەڭەستە ۇلتتىق بانكتٸڭ اقشا-نەسيە ساياساتى جٶنٸندەگٸ كوميتەتٸ بازالىق مٶلشەرلەمەگە قاتىستى 10 قازاندا قابىلداۋى تيٸس شەشٸمٸنە قاتىستى مەسەلەلەر تالقىلانعان بولۋى مٷمكٸن دەپ توپشىلايدى. قازاقستان قارجىگەرلەرٸ قاۋىمداستىعى جٷرگٸزگەن ساۋالناما قورىتىندىسىنا سەيكەس, قارجى نارىعى ٶكٸلدەرٸنٸڭ 73 پايىزى بازالىق مٶلشەرلەمە تاعى كٶتەرٸلەدٸ دەپ سانايدى. سونداي-اق امەريكالىق بانك - JP Morgan قازاقستاندا بازالىق مٶلشەرلەمە كەم دەگەندە 100 ب.پ-عا ٶسەتٸنٸن بولجايدى. ال بۇل قازاقستاندا نەسيەلەر قىمباتتاپ ەرٸ قولجەتٸمسٸز بولا تٷسەتٸنٸن بٸلدٸرەدٸ. ونىڭ تٸكەلەي سەبەبٸن مىنا ارادان وقي الاسىزدار.
