Membaǵdarlama arqyly úi alýǵa niettengen jas otbasylardyń jas mólsherin kóterý kerek
– Jergilikti atqarý qyzmetindegi memlekettik organdar halyqtyń ál-aýqatyn kóterýdi kózdeitin áleýmettik saiasatty júzege asyryp jatyr. Alaida baspana jaiy áli de ózekti kúiinde qalyp otyr. Biz halyqpen júzdesip, kezdesý ótkizgen kezde turǵyndardyń deni osy máseleni qozǵady, – dedi ol.
Osy oraida senator azamattarǵa páter alýǵa kómektesetin qanshama memlekettik baǵdarlama bar ekenin atap ótti.
«Búgingi tańda memleket «Óńirlerdi damytý – 2020» baǵdarlamasyn júzege asyrýda. Baǵdarlama negizinde birneshe baǵyt boiynsha turǵyn úiler salynady. Iaǵni, jergilikti atqarýshy organdarda kezekte turǵan, Turǵyn úi qurylys jinaq banki, Qazaqstan ipotekalyq kompaniiasy, «Samuryq Qazyna» jyljymaityn múlik qory» AQ, apatty turǵyn úiler boiynsha», - dedi ol.
Alaida, Darhan Qaletaevtyń pikirinshe, bul baǵdarlamalar boiynsha jas otbasylarǵa qoiylatyn talap tym joǵary eken.
– Otbasylarǵa (joǵaryda atalǵan memlekettik baǵdarlamalar boiynsha – avtor) páter alǵan kezde jasqa shekteý qoiylady. Keibir talap boiynsha erli-zaiyptylardyń mindetti túrde balalary bolýy kerek. Sondai-aq, nekede 3 jyl turýy tiis. Óziniń áleýmettik jaǵdaiyn jaqsartýdy oilaǵan jastar otbasy qurýdy keiinge qaldyryp jatady. Sondyqtan (memlekettik baǵdarlamalar boiynsha páter berilgen ýaqytta – avtor) jas otbasylardyń jas mólsherin qaitadan qarap shyǵý qajet, – dedi ol.
Osyǵan bailanysty senator Premer-ministrge arnaiy usynys jasady. Onyń aitýynsha, jas otbasylarǵa qoiylatyn jas shekteýin 29-dan 35-ke deiin kóterý qajet.
– Baqytjan Ábdiruly, memlekettik baǵdarlamalar boiynsha qoiylatyn keibir kategoriiadaǵy jas mólsherin 35-ten 39-ǵa deiin, al jas otbasylar úshin 29-dan 35-ke deiin kóterý qajet, – dedi ol.
