Sarapshylar meditsina qyzmetkerleriniń kásibi merekesi qarsańynda olardyń qansha jalaqy alatynyn eseptep, óz ishindegi mamandyqtarmen salystyryp kórdi. Eń joǵary jalaqy kardiostimýliator ornatýmen ainalysatyn mamanǵa tiesili bolsa, al az jalaqyny parazitolog dárigerler alady eken. Odan da tómenine medbike jáne mikrobiolog siiaqty qosymsha baǵyttaǵy mamandar jatqyzylady, dep habarlaidy Dalanews.kz.
2025 jyldyń I-toqsanynda densaýlyq saqtaý jáne halyqqa áleýmettik qyzmet kórsetý salasyndaǵy nominaldy ortasha ailyq 312,8 myń teńgeni qurady, bul - el ekonomikanyń ortasha belgilengen jalaqysy kóleminen 26,1%-ǵa tómen kórsetish.
"Densaýlyq saqtaý men áleýmettik qyzmetter Qazaqstandaǵy eń tómen jalaqy tólenetin salalardyń biri bolyp shyqty. Bul sala eń tómen jalaqy alatyn salalardyń arasynda besinshi orynǵa jaiǵasqan. Al olardan da tómen jalaqy alatyndar – aýyl sharýashylyǵy (248,9 myń teńge), óner salasy (284,9 myń teńge), kommýnaldyq qyzmet (286 myń teńge) jáne bilim berý salasynyń keibir baǵytyndaǵy (302,4 myń teńge) qyzmetkerler. Densaýlyq saqtaý salasy eki jyldan astam ýaqyttan beri eń tómen jalaqy alatyn salalardyń qataryna turaqtanyp tur. Máselen, 2021 jyly bul sala tizimniń sońynan sanaǵanda 10-orynda turǵan edi", dep jazady Energyprom.kz.
Burynǵy jyldardaǵydai, nominaldy jalaqynyń eń joǵary kórsetkishi taý-ken óndirý ónerkásibi men karerlerdi qazý salasynda (981,4 myń teńge), sondai-aq aqparat jáne bailanys (859,8 myń teńge) jáne qarjy men saqtandyrý qyzmetinde (855,5 myń teńge) tirkelgen.
Sarapshylardyń pikirinshe, meditsina salasynyń atalǵan reitingte tómengi orynǵa qarai "quldyraýynyń" naqty sebepteri bar. Pandemiia kezinde meditsina qyzmetkerleriniń eńbekaqysy jyl saiyn 20-30%-ǵa kóterilip otyrdy. Muny 2020-2021 jyldardaǵy indeksterdiń kúrt ósiminen baiqaýǵa bolady. Alaida pandemiianyń sýyt kezeńi aiaqtalǵan soń jalaqy ósiminiń qarqyny aitarlyqtai báseńdegen.
"Naqty jalaqy indeksine qarasaq, dál sol pandemiia jyldary dárigerler men áleýmettik qyzmetkerler jalaqysynyń arqasynda satyp alý qabileti aiqyn artqanyn seze aldy. Al 2022 jyldan bastap meditsina salasynda eńbekaqynyń satyp alý qabiletiniń ósimi nebári 2,3%-ǵa kóterildi nemese múldem tómendep ketti (4,6%-ǵa deiin). Jalpy aitqanda, meditsinada qyzmetkerleri baiyp ketedi dep aitatyn salaǵa jatpaidy", – dep túsindiredi sarapshylar.
2019 jyldan 2024 jylǵa deiingi aralyqta nominaldy jalaqy 133,5 myń teńgeden 315,4 myń teńgege deiin ósken, iaǵni 2,3 esege artqan. Alaida infliatsiiany esepke alsaq, meditsina mamandary aitarlyqtai jalaqy ósimin sezinbegen.
Sarapshylar meditsina qyzmetkerleriniń mediandyq (ortańǵy máni) jáne modaldyq (jii kezdesetin máni) jalaqysyn da mysalǵa keltirdi.
"Bul eki kórsetkish te nominaldy kórsetkishten aitarlyqtai erekshelenedi. Densaýlyq saqtaý jáne áleýmettik qyzmet kórsetý salasyndaǵy mediandyq jalaqy sońǵy birneshe jylda 2,5 ese ósti. Byltyr meditsina men áleýmettik qyzmet kórsetý salalarynda mediandyq jalaqy 250,7 myń teńgeni qurasa, jalpy ekonomika boiynsha bul kórsetkish 285,7 myń teńge boldy. Al meditsina salasyndaǵylardyń modaldyq jalaqysy, kerisinshe, ekonomikadaǵy ortasha deńgeiden eki ese joǵary, al jalpy ekonomika boiynsha eń tómengi 97,6 myń teńgege qarsy 197,8 myń teńge túrinde de shamaly joǵary", delingen saraptamada.
2024 jyly keń taralǵan dáriger mamandyqtarynyń nominaldy jalaqysy mynadai deńgeide qalyptasty:
- Terapevt – 460,2 myń teńge
- Pediatr – 425,9 myń teńge
- Hirýrg – 505,7 myń teńge
- Kardiolog – 475 myń teńge.
Sondai-aq sarapshylar meditsina salasyndaǵy eń joǵary jáne eń tómen jalaqyǵa ie 10 mamandyqty atady. Joǵary jalaqy alatyndardyń qataryna sirek kezdesetin, joǵary mamandanǵan jáne meditsinalyq ýniversitettiń diplomymen qatar qosymsha biliktilikti qajet etetin mamandar enedi.
Ótken jylǵy esepke súiensek, Qazaqstandaǵy eń joǵary jalaqy alatyn meditsina qyzmetkeri interventsiialyq aritmolog dáriger boldy (kardiostimýliator ornatýmen ainalysatyn maman). Onyń ortasha jalaqysy – 1,1 mln teńge. Ekinshi orynda – embriolog, reprodýktivti meditsina ortalyqtarynyń zerthana mamandary. EKO ortalyqtarynda bul mamandar ortasha eseppen aiyna 860,1 myń teńge alady. Úshinshi orynda – kardiohirýrgtar, olardyń ailyǵy – 768,8 myń teńge.
Eń tómen jalaqy alatyn mamandar tiziminiń basynda parazitolog dáriger (200 myń teńge) jáne eńbek gigienasy dárigeri (210 myń teńge) tur. Sondai-aq jalaqysy eń az mamandyqtar qataryna massajist, sot-meditsinalyq sarapshysy, medbike jáne mikrobiolog siiaqty qosymsha baǵyttaǵy mamandar jatqyzylady.
