Qazaqstanda eń tómengi jalaqy 150 myń teńge bolýy múmkin, dep habarlaidy Dalanews.kz.
Qazirgi tańda eń tómengi jalaqy mólsheri 85 myń teńge. Ulttyq ekonomika birinshi vitse-ministri Azamat Ámrinniń aitýynsha, aldaǵy ýaqytta bul kórsetkishti 150 myń teńgege deiin jetkizý kózdelip otyr.
Onyń sózinshe, álemdik tájiribede eń tómengi jalaqy mediandyq jalaqynyń shamamen 50%-yna teń bolýy tiis. Osyǵan bailanysty Qazaqstanda da osy deńgeige jaqyndaý mindeti qoiylyp otyr.
Alaida naqty merzim ázirge belgisiz. Vitse-ministr bul sheshimniń biýdjet múmkindikterine tikelei bailanysty ekenin atap ótti.
«Qazir naqty aita almaimyn, bul – kúrdeli ári keshendi másele. Barlyǵy biýdjet kiristerine bailanysty. Biylǵy túsimderdiń qalai qalyptasatynyn kóremiz. Eger oń dinamika saqtalsa, ony júzege asyrýǵa qarjylyq múmkindik paida bolady», – dedi Azamat Ámrin.
