ساراپشىلار مەديسينا قىزمەتكەرلەرىنىڭ كاسىبي مەرەكەسى قارساڭىندا ولاردىڭ قانشا جالاقى الاتىنىن ەسەپتەپ، ءوز ىشىندەگى ماماندىقتارمەن سالىستىرىپ كوردى. ەڭ جوعارى جالاقى كارديوستيمۋلياتور ورناتۋمەن اينالىساتىن مامانعا تيەسىلى بولسا، ال از جالاقىنى پارازيتولوگ دارىگەرلەر الادى ەكەن. ودان دا تومەنىنە مەدبيكە جانە ميكروبيولوگ سياقتى قوسىمشا باعىتتاعى ماماندار جاتقىزىلادى، دەپ حابارلايدى Dalanews.kz.
2025 جىلدىڭ ءى-توقسانىندا دەنساۋلىق ساقتاۋ جانە حالىققا الەۋمەتتىك قىزمەت كورسەتۋ سالاسىنداعى نومينالدى ورتاشا ايلىق 312،8 مىڭ تەڭگەنى قۇرادى، بۇل - ەل ەكونوميكانىڭ ورتاشا بەلگىلەنگەن جالاقىسى كولەمىنەن 26،1%-عا تومەن كورسەتىش.
"دەنساۋلىق ساقتاۋ مەن الەۋمەتتىك قىزمەتتەر قازاقستانداعى ەڭ تومەن جالاقى تولەنەتىن سالالاردىڭ ءبىرى بولىپ شىقتى. بۇل سالا ەڭ تومەن جالاقى الاتىن سالالاردىڭ اراسىندا بەسىنشى ورىنعا جايعاسقان. ال ولاردان دا تومەن جالاقى الاتىندار – اۋىل شارۋاشىلىعى (248،9 مىڭ تەڭگە)، ونەر سالاسى (284،9 مىڭ تەڭگە)، كوممۋنالدىق قىزمەت (286 مىڭ تەڭگە) جانە ءبىلىم بەرۋ سالاسىنىڭ كەيبىر باعىتىنداعى (302،4 مىڭ تەڭگە) قىزمەتكەرلەر. دەنساۋلىق ساقتاۋ سالاسى ەكى جىلدان استام ۋاقىتتان بەرى ەڭ تومەن جالاقى الاتىن سالالاردىڭ قاتارىنا تۇراقتانىپ تۇر. ماسەلەن، 2021 جىلى بۇل سالا ءتىزىمنىڭ سوڭىنان ساناعاندا 10-ورىندا تۇرعان ەدى"، دەپ جازادى Energyprom.kz.
بۇرىنعى جىلدارداعىداي، نومينالدى جالاقىنىڭ ەڭ جوعارى كورسەتكىشى تاۋ-كەن ءوندىرۋ ونەركاسىبى مەن كارەرلەردى قازۋ سالاسىندا (981،4 مىڭ تەڭگە)، سونداي-اق اقپارات جانە بايلانىس (859،8 مىڭ تەڭگە) جانە قارجى مەن ساقتاندىرۋ قىزمەتىندە (855،5 مىڭ تەڭگە) تىركەلگەن.
ساراپشىلاردىڭ پىكىرىنشە، مەديسينا سالاسىنىڭ اتالعان رەيتينگتە تومەنگى ورىنعا قاراي "قۇلدىراۋىنىڭ" ناقتى سەبەپتەرى بار. پاندەميا كەزىندە مەديسينا قىزمەتكەرلەرىنىڭ ەڭبەكاقىسى جىل سايىن 20-30%-عا كوتەرىلىپ وتىردى. مۇنى 2020-2021 جىلدارداعى يندەكستەردىڭ كۇرت وسىمىنەن بايقاۋعا بولادى. الايدا پاندەميانىڭ سۋىت كەزەڭى اياقتالعان سوڭ جالاقى ءوسىمىنىڭ قارقىنى ايتارلىقتاي باسەڭدەگەن.
"ناقتى جالاقى يندەكسىنە قاراساق، ءدال سول پاندەميا جىلدارى دارىگەرلەر مەن الەۋمەتتىك قىزمەتكەرلەر جالاقىسىنىڭ ارقاسىندا ساتىپ الۋ قابىلەتى ايقىن ارتقانىن سەزە الدى. ال 2022 جىلدان باستاپ مەديسينا سالاسىندا ەڭبەكاقىنىڭ ساتىپ الۋ قابىلەتىنىڭ ءوسىمى نەبارى 2،3%-عا كوتەرىلدى نەمەسە مۇلدەم تومەندەپ كەتتى (4،6%-عا دەيىن). جالپى ايتقاندا، مەديسينادا قىزمەتكەرلەرى بايىپ كەتەدى دەپ ايتاتىن سالاعا جاتپايدى"، – دەپ تۇسىندىرەدى ساراپشىلار.
2019 جىلدان 2024 جىلعا دەيىنگى ارالىقتا نومينالدى جالاقى 133،5 مىڭ تەڭگەدەن 315،4 مىڭ تەڭگەگە دەيىن وسكەن، ياعني 2،3 ەسەگە ارتقان. الايدا ينفلياسيانى ەسەپكە الساق، مەديسينا ماماندارى ايتارلىقتاي جالاقى ءوسىمىن سەزىنبەگەن.
ساراپشىلار مەديسينا قىزمەتكەرلەرىنىڭ مەدياندىق (ورتاڭعى ءمانى) جانە مودالدىق (ءجيى كەزدەسەتىن ءمانى) جالاقىسىن دا مىسالعا كەلتىردى.
"بۇل ەكى كورسەتكىش تە نومينالدى كورسەتكىشتەن ايتارلىقتاي ەرەكشەلەنەدى. دەنساۋلىق ساقتاۋ جانە الەۋمەتتىك قىزمەت كورسەتۋ سالاسىنداعى مەدياندىق جالاقى سوڭعى بىرنەشە جىلدا 2،5 ەسە ءوستى. بىلتىر مەديسينا مەن الەۋمەتتىك قىزمەت كورسەتۋ سالالارىندا مەدياندىق جالاقى 250،7 مىڭ تەڭگەنى قۇراسا، جالپى ەكونوميكا بويىنشا بۇل كورسەتكىش 285،7 مىڭ تەڭگە بولدى. ال مەديسينا سالاسىنداعىلاردىڭ مودالدىق جالاقىسى، كەرىسىنشە، ەكونوميكاداعى ورتاشا دەڭگەيدەن ەكى ەسە جوعارى، ال جالپى ەكونوميكا بويىنشا ەڭ تومەنگى 97،6 مىڭ تەڭگەگە قارسى 197،8 مىڭ تەڭگە تۇرىندە دە شامالى جوعارى"، دەلىنگەن ساراپتامادا.
2024 جىلى كەڭ تارالعان دارىگەر ماماندىقتارىنىڭ نومينالدى جالاقىسى مىناداي دەڭگەيدە قالىپتاستى:
- تەراپيەۆت – 460،2 مىڭ تەڭگە
- پەدياتر – 425،9 مىڭ تەڭگە
- حيرۋرگ – 505،7 مىڭ تەڭگە
- كارديولوگ – 475 مىڭ تەڭگە.
سونداي-اق ساراپشىلار مەديسينا سالاسىنداعى ەڭ جوعارى جانە ەڭ تومەن جالاقىعا يە 10 ماماندىقتى اتادى. جوعارى جالاقى الاتىنداردىڭ قاتارىنا سيرەك كەزدەسەتىن، جوعارى ماماندانعان جانە مەديسينالىق ۋنيۆەرسيتەتتىڭ ديپلومىمەن قاتار قوسىمشا بىلىكتىلىكتى قاجەت ەتەتىن ماماندار ەنەدى.
وتكەن جىلعى ەسەپكە سۇيەنسەك، قازاقستانداعى ەڭ جوعارى جالاقى الاتىن مەديسينا قىزمەتكەرى ينتەرۆەنسيالىق اريتمولوگ دارىگەر بولدى (كارديوستيمۋلياتور ورناتۋمەن اينالىساتىن مامان). ونىڭ ورتاشا جالاقىسى – 1،1 ملن تەڭگە. ەكىنشى ورىندا – ەمبريولوگ، رەپرودۋكتيۆتى مەديسينا ورتالىقتارىنىڭ زەرتحانا ماماندارى. ەكو ورتالىقتارىندا بۇل ماماندار ورتاشا ەسەپپەن ايىنا 860،1 مىڭ تەڭگە الادى. ءۇشىنشى ورىندا – كارديوحيرۋرگتار، ولاردىڭ ايلىعى – 768،8 مىڭ تەڭگە.
ەڭ تومەن جالاقى الاتىن ماماندار ءتىزىمىنىڭ باسىندا پارازيتولوگ دارىگەر (200 مىڭ تەڭگە) جانە ەڭبەك گيگيەناسى دارىگەرى (210 مىڭ تەڭگە) تۇر. سونداي-اق جالاقىسى ەڭ از ماماندىقتار قاتارىنا ماسساجيست، سوت-مەديسينالىق ساراپشىسى، مەدبيكە جانە ميكروبيولوگ سياقتى قوسىمشا باعىتتاعى ماماندار جاتقىزىلادى.
