Talǵarda marqum Sherzattyń otbasy turǵan úidiń órtenýine qatysty ekinshi qylmystyq is boiynsha tergeý jumystary júrip jatyr, dep habarlaidy Dalanews.kz.
“Sýrette olardyń múlkinen qalǵan az ǵana zattar kórsetilgen. Aimaq ákimi Sherzattyń ákesi Qarjaýbaiǵa úidi qalpyna keltirýge ýáde bergen bolatyn. Alaida tergeý sharalarynyń sozylýyna bailanysty bul is ázirge baiaý júrip jatyr. Sondyqtan kópbalaly otbasynyń qai ýaqytta óz baspanasyna oralatyny belgisiz. Qazirgi ýaqytta olar týystarynyń úiinde turyp jatyr”, - dep málimdedi Instagram áleýmettik jelisindegi justice_for_sherzat paraqshasy.
Derekkózdiń málimetinshe, Sherzat Bolattyń otbasy qarjy jinaýǵa bailanysty eshqandai habarlandyrý jariialamaǵan.
“Olardyń atynan aqsha jinap jatqan adamdar – alaiaqtar! Eger Qarjaýbaidyń otbasyna qarjylai kómek qajet bolsa, bul týraly osy paraqshada mindetti túrde habarlaimyz”, - dedi derekkóz.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 7 adam ustalyp, ýaqytsha ustaý izoliatoryna qamaýǵa alynǵan.
15 qazanda Ishki ister vitse-ministri taǵy úsh kúdiktini ustaǵanyn málim etti.
Al 18 qazanda taǵy bir kúdiktini qolǵa túsirdi.
Sonymen qatar, Almaty oblystyq politsiia departamenti bastyǵynyń mindetin atqarýshy Shalqarov tóbelesten keiin qansha qarý tárkilengenin aitty.
Odan keiin Sherzattyń úiine kúzet qoiyldy.
Kóp uzamai marqum Sherzattyń úii órtendi.
