Marqum Sherzat Bolattyń otbasynyń advokaty Saida Táýkeleva úidi órtegen kúdiktilerdiń áli kúnge deiin anyqtalmaǵanyn jetkizdi, dep habarlaidy Dalanews.kz.
“Biz oblys prokýrorymen kezdestik, ol tergeý barysy jaily tolyq aqparat berdi. Onyń aitýynsha, is aiaqtalýǵa jaqyn, sebebi qajetti saraptamalar men protsedýralar oryndalǵan. Degenmen ázirge kúdiktiler anyqtalǵan joq. Tergeý barysynda úlken jumys atqarylǵanyn aitty, biraq nátije joq,” – dedi advokat.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 7 adam ustalyp, ýaqytsha ustaý izoliatoryna qamaýǵa alynǵan.
15 qazanda Ishki ister vitse-ministri taǵy úsh kúdiktini ustaǵanyn málim etti.
Al 18 qazanda taǵy bir kúdiktini qolǵa túsirdi.
Sonymen qatar Almaty oblystyq politsiia departamenti bastyǵynyń mindetin atqarýshy Shalqarov tóbelesten keiin qansha qarý tárkilengenin aitty.
Odan keiin Sherzattyń úiine kúzet qoiyldy.
Kóp uzamai marqum Sherzattyń úii órtendi.
Osy tusta belgili saiasattanýshy Ǵaziz Ábishev Talǵardaǵy tóbeles kezinde qaza tapqan Sherzat Bolattyń úiiniń órtenip ketýine qatysty oiyn aitqan edi.
"Munymen bireý memleketke bir nárseni ymdap otyrǵan siiaqty: memlekettiń qolynan túk kelmeidi, memlekettik eshkim qurmettemeidi, elde tártip saqtalmai jatqanyn jáne bári birtindep ydyrap jatyr degendi jetkizgisi kelip otyrǵan siiaqty.
Búgin úi órtendi. Erteń italiialyq mafiialar týraly filmderdegidei sýdialarmen, komissarlar men sheneýniktermen tóbeles bastala ma? Aldaǵy kúnderi qylmyskerlerdiń Qazaqstannyń qaýipsizdik apparatynyń múmkindikterine qanshalyqty durys baǵa bergenin kóremiz",- dedi Ábishev.
