Mańǵystaýda jasóspirim tizgindegen kólik polısıanyń qyzmettik kóligine soǵyldy, dep habarlaıdy Dalanews.kz.
Beıneýde beınebaqylaý kameralary patrúldik kólik pen Toyota Camry kóligi jol apatyna túsken sátti túsirip alǵan. Oqıǵa 25 qarashada bolǵan. Jazbada jeńil kólik óte joǵary jyldamdyqpen kelip, polısıanyń qyzmettik kóligine soǵylǵany kórinedi.
Mańǵystaý oblystyq Polısıa departamenti málimetinshe, kólikti 17 jastaǵy jasóspirim tizgindegen.
Oqıǵa saldarynan eshkim zardap shekken joq. Alaıda kámeletke tolmaǵan balanyń ata-anasy ákimshilik jaýapkershilikke tartyldy. Oqıǵaǵa baılanysty qyzmettik tekseris júrip jatyr.
