ماڭعىستاۋدا ءجاسوسپىرىم تىزگىندەگەن كولىك پوليسيانىڭ قىزمەتتىك كولىگىنە سوعىلدى، دەپ حابارلايدى Dalanews.kz.
بەينەۋدە بەينەباقىلاۋ كامەرالارى پاترۋلدىك كولىك پەن Toyota Camry كولىگى جول اپاتىنا تۇسكەن ءساتتى ءتۇسىرىپ العان. وقيعا 25 قاراشادا بولعان. جازبادا جەڭىل كولىك وتە جوعارى جىلدامدىقپەن كەلىپ، پوليسيانىڭ قىزمەتتىك كولىگىنە سوعىلعانى كورىنەدى.
ماڭعىستاۋ وبلىستىق پوليسيا دەپارتامەنتى مالىمەتىنشە، كولىكتى 17 جاستاعى ءجاسوسپىرىم تىزگىندەگەن.
وقيعا سالدارىنان ەشكىم زارداپ شەككەن جوق. الايدا كامەلەتكە تولماعان بالانىڭ اتا-اناسى اكىمشىلىك جاۋاپكەرشىلىككە تارتىلدى. وقيعاعا بايلانىستى قىزمەتتىك تەكسەرىس ءجۇرىپ جاتىر.
