Tirkelmei, kásipker mártebesinsiz jolaýshy tasymaldaǵan júrgizýshi Aqtaýda sottaldy. Úkim Ákimshilik quqyqbuzýshylyqtar jónindegi mamandandyrylǵan sotta shyǵaryldy, dep habarlaidy Dalanews.kz.
Is materialdary
Is boiynsha 9 qarasha kúni shamamen 16:45-ta 25-shaǵyn aýdan aýmaǵynda Chevrolet Cobalt avtokóligin tizgindegen er adam jolaýshylardy aqshaǵa tasymaldaǵany anyqtalǵan. Tekserý kezinde onyń jeke kásipker retinde tirkelmegeni jáne taksi qyzmetine resmi ruqsaty joq ekeni belgili boldy.
Sottaǵy aiǵaqtar
Sotta ol kinásin moiyndap, ókinetinin aitty. Turaqty jumysy joq ekenin, jaldamaly páterde turatynyn jáne kúnkóris úshin táýligine 10 000 teńgege kólik jaldap jumys isteitinin túsindirdi. Aiyppul tóleýge shamasy joqtyǵyn jetkizdi.
Sottyń sheshimi
Sot quqyqbuzýshylyqtyń sipatyn, qoǵam men azamattarǵa ziian kelmegenin, materialdyq jaǵdaiyn jáne árekettiń bolmashylyǵyn eskerdi.
ÁQBtK-niń 64-1-babyna (Quqyqbuzýshylyqtyń bolmashylyǵyna bailanysty ákimshilik jaýaptylyqtan bosatý) sáikes, sýdia ony kináli dep tanyp, biraq jaýaptylyqtan bosatyp, aýyzsha eskertý jasaýmen shekteldi. Ákimshilik is júrgizý toqtatyldy.
Sot qaýlysy áli zańdy kúshine engen joq.
