تىركەلمەي، كاسىپكەر مارتەبەسىنسىز جولاۋشى تاسىمالداعان جۇرگىزۋشى اقتاۋدا سوتتالدى. ۇكىم اكىمشىلىك قۇقىقبۇزۋشىلىقتار جونىندەگى مامانداندىرىلعان سوتتا شىعارىلدى، دەپ حابارلايدى Dalanews.kz.

ءىس ماتەريالدارى

ءىس بويىنشا 9 قاراشا كۇنى شامامەن 16:45-تا 25-شاعىن اۋدان اۋماعىندا Chevrolet Cobalt اۆتوكولىگىن تىزگىندەگەن ەر ادام جولاۋشىلاردى اقشاعا تاسىمالداعانى انىقتالعان. تەكسەرۋ كەزىندە ونىڭ جەكە كاسىپكەر رەتىندە تىركەلمەگەنى جانە تاكسي قىزمەتىنە رەسمي رۇقساتى جوق ەكەنى بەلگىلى بولدى.

سوتتاعى ايعاقتار

سوتتا ول كىناسىن مويىنداپ، وكىنەتىنىن ايتتى. تۇراقتى جۇمىسى جوق ەكەنىن، جالدامالى پاتەردە تۇراتىنىن جانە كۇنكورىس ءۇشىن تاۋلىگىنە 10 000 تەڭگەگە كولىك جالداپ جۇمىس ىستەيتىنىن ءتۇسىندىردى. ايىپپۇل تولەۋگە شاماسى جوقتىعىن جەتكىزدى.

سوتتىڭ شەشىمى

سوت قۇقىقبۇزۋشىلىقتىڭ سيپاتىن، قوعام مەن ازاماتتارعا زيان كەلمەگەنىن، ماتەريالدىق جاعدايىن جانە ارەكەتتىڭ بولماشىلىعىن ەسكەردى.

اقبتك-نىڭ 64-1-بابىنا (قۇقىقبۇزۋشىلىقتىڭ بولماشىلىعىنا بايلانىستى اكىمشىلىك جاۋاپتىلىقتان بوساتۋ) سايكەس، سۋديا ونى كىنالى دەپ تانىپ، ءبىراق جاۋاپتىلىقتان بوساتىپ، اۋىزشا ەسكەرتۋ جاساۋمەن شەكتەلدى. اكىمشىلىك ءىس جۇرگىزۋ توقتاتىلدى.

سوت قاۋلىسى ءالى زاڭدى كۇشىنە ەنگەن جوق.