Mańǵystaý oblysynyń uiymdasqan qylmysqa qarsy kúres basqarmasynyń jedel qyzmetkerleri shetel azamattaryna tirkeý, elimizde ýaqytsha bolý merzimin uzartý jáne HQKO arqyly ruqsat alý boiynsha jalǵan qyzmetter kórsetýmen bailanysty zańsyz shemanyń jolyn kesti, dep habarlaidy Dalanews.kz.
QR IIM baspasóz qyzmetiniń habarlaýynsha, 15 mamyrda jedel is-sharalar barysynda úsh kúdikti ustaldy. Zańsyz kóshi-qondy uiymdastyrý faktisi boiynsha qylmystyq is qozǵaldy.
Tintý barysynda:
- ár túrli JShS-niń 70-ten astam móri;
- shetel azamattarynyń 75-ke jýyq tólqujaty;
- elektrondyq aqparat tasyǵyshtar, tehnika, bank kartalary, HQKO qujattarynyń túpnusqalary;
- shamamen 2 mln teńge qolma-qol aqsha;
- eki kólik tárkilendi.
Atalǵan is boiynsha sotqa deiingi tergeý jalǵasyp jatyr.
Buǵan deiin ózin Antikor retinde tanystyryp, kásipkerlerden aqsha bopsalaǵan aqtóbeliktiń ustalǵanyn habarlaǵanbyz.
