ماڭعىستاۋ وبلىسىنىڭ ۇيىمداسقان قىلمىسقا قارسى كۇرەس باسقارماسىنىڭ جەدەل قىزمەتكەرلەرى شەتەل ازاماتتارىنا تىركەۋ، ەلىمىزدە ۋاقىتشا بولۋ مەرزىمىن ۇزارتۋ جانە حقكو ارقىلى رۇقسات الۋ بويىنشا جالعان قىزمەتتەر كورسەتۋمەن بايلانىستى زاڭسىز سحەمانىڭ جولىن كەستى، دەپ حابارلايدى Dalanews.kz.
ق ر ءىىم باسپا ءسوز قىزمەتىنىڭ حابارلاۋىنشا، 15 مامىردا جەدەل ءىس-شارالار بارىسىندا ءۇش كۇدىكتى ۇستالدى. زاڭسىز كوشى-قوندى ۇيىمداستىرۋ فاكتىسى بويىنشا قىلمىستىق ءىس قوزعالدى.
ءتىنتۋ بارىسىندا:
- ءار ءتۇرلى ءجشس-نىڭ 70-تەن استام ءمورى؛
- شەتەل ازاماتتارىنىڭ 75-كە جۋىق ءتولقۇجاتى؛
- ەلەكتروندىق اقپارات تاسىعىشتار، تەحنيكا، بانك كارتالارى، حقكو قۇجاتتارىنىڭ ءتۇپنۇسقالارى؛
- شامامەن 2 ملن تەڭگە قولما-قول اقشا؛
- ەكى كولىك تاركىلەندى.
اتالعان ءىس بويىنشا سوتقا دەيىنگى تەرگەۋ جالعاسىپ جاتىر.
بۇعان دەيىن ءوزىن انتيكور رەتىندە تانىستىرىپ، كاسىپكەرلەردەن اقشا بوپسالاعان اقتوبەلىكتىڭ ۇستالعانىن حابارلاعانبىز.
