Mańǵystaý oblysynda taǵy 71 itbalyqtyń óleksesi tabyldy. Bul joly sútqorektiler Qulaly aralynyń jaǵalaýyna shyǵyp qalǵan, dep habarlaidy Dalanews.kz KTK telearnasyna silteme jasap.
Ólekse tabylǵan jerge óńirlik ekologiia departamentiniń zerthana mamandary men Gidrobiologiia jáne ekologiia institýtynyń ókilderi baryp ekologiia monitoringin júrgizgen. Jyl saiyn Túpqaraǵan aýmaǵy men Qulaly mańynda itbalyqtardyń qyrylýy qalypty qubylysqa ainalyp bara jatyr. Osy joly da mamandar ólekselerden synama alyp, teńiz sýyna zertteý júrgizdi. Nátijesinde teńizdiń lastanbaǵany anyqtaldy deidi jaýaptylar.
"Munaimen lastaný bolmasa, taǵy da ózgeshe himiialyq zattarmen lastanýy múmkin. Sýdan synama alyp, monitoring júrgizdik. Nátijesi boiynsha Kaspii teńiziniń sýynan eshqandai lastaýshy zat anyqtalǵan joq. Jaǵdai qalypty. Sondai-aq bul jaǵdai jylda qaitalanady. Biz monitoringti jalǵastyra beremiz. Teńiz sýy taza, itbalyqtar óleksesi tabylǵan aýmaqta. Aýytqý anyqtalǵan joq", - deidi Mańǵystaý oblysy ekologiia departamentiniń bólim basshysy Qaisar Nádirbek.
Eske sala keteiik, ótken aptada Túpqaraǵan aýdanynyń Bozashy múiisinen 112 itbalyqtyń óleksesi tabylǵan. Qyzyl kitapqa engen Kaspii itbalyǵynyń qyrylýyna virýs sebep bolýy múmkin degen boljam qarastyrylyp jatyr.
