ماڭعىستاۋ وبلىسىندا تاعى 71 يتبالىقتىڭ ٶلەكسەسٸ تابىلدى. بۇل جولى سٷتقورەكتٸلەر قۇلالى ارالىنىڭ جاعالاۋىنا شىعىپ قالعان, دەپ حابارلايدى Dalanews.kz كتك تەلەارناسىنا سٸلتەمە جاساپ.
ٶلەكسە تابىلعان جەرگە ٶڭٸرلٸك ەكولوگييا دەپارتامەنتٸنٸڭ زەرتحانا ماماندارى مەن گيدروبيولوگييا جەنە ەكولوگييا ينستيتۋتىنىڭ ٶكٸلدەرٸ بارىپ ەكولوگييا مونيتورينگٸن جٷرگٸزگەن. جىل سايىن تٷپقاراعان اۋماعى مەن قۇلالى ماڭىندا يتبالىقتاردىڭ قىرىلۋى قالىپتى قۇبىلىسقا اينالىپ بارا جاتىر. وسى جولى دا ماماندار ٶلەكسەلەردەن سىناما الىپ, تەڭٸز سۋىنا زەرتتەۋ جٷرگٸزدٸ. نەتيجەسٸندە تەڭٸزدٸڭ لاستانباعانى انىقتالدى دەيدٸ جاۋاپتىلار.
"مۇنايمەن لاستانۋ بولماسا, تاعى دا ٶزگەشە حيمييالىق زاتتارمەن لاستانۋى مٷمكٸن. سۋدان سىناما الىپ, مونيتورينگ جٷرگٸزدٸك. نەتيجەسٸ بويىنشا كاسپيي تەڭٸزٸنٸڭ سۋىنان ەشقانداي لاستاۋشى زات انىقتالعان جوق. جاعداي قالىپتى. سونداي-اق بۇل جاعداي جىلدا قايتالانادى. بٸز مونيتورينگتٸ جالعاستىرا بەرەمٸز. تەڭٸز سۋى تازا, يتبالىقتار ٶلەكسەسٸ تابىلعان اۋماقتا. اۋىتقۋ انىقتالعان جوق", - دەيدٸ ماڭعىستاۋ وبلىسى ەكولوگييا دەپارتامەنتٸنٸڭ بٶلٸم باسشىسى قايسار نەدٸربەك.
ەسكە سالا كەتەيٸك, ٶتكەن اپتادا تٷپقاراعان اۋدانىنىڭ بوزاشى مٷيٸسٸنەن 112 يتبالىقتىڭ ٶلەكسەسٸ تابىلعان. قىزىل كٸتاپقا ەنگەن كاسپيي يتبالىعىنىڭ قىرىلۋىنا ۆيرۋس سەبەپ بولۋى مٷمكٸن دەگەن بولجام قاراستىرىلىپ جاتىر.
