Altyn ósse, dollar qulai ma? Bul saýalǵa tanymal sarapshy Aibar Oljai jaýap berdi, dep habarlaidy Dalanews.kz.
Onyń aitýynsha, 20 kún ishinde 9 paiyzǵa qymbattaǵan altyn qazaq eline 4,2 milliard dollar alyp kelgen.
"2025 jyldyń aiaǵynda biz 47,2 milliard dollardyń altynyn ustap otyrǵan edik. Endi onyń naryqtyq quny 51,4 milliard dollarǵa kóterilip otyr. Osyǵan SKV aktivterine jatatyn 18,5 milliard dollardy qossaq, dál búgin altyn-valiýta qorymyz 70 milliard dollarǵa jeteiin dep tur. Oǵan Ulttyq qordyń 77,7 milliard dollaryn qosaiyq. Sonda halyqaralyq rezervterimiz 147,7 milliard dollarǵa barady. Bul óte jaqsy", - dedi ol.
Aibar Oljaidyń sózinshe, dál osy kezde Teńizdegi tehnologiialyq problemalardan munai óndirý kólemi 14 paiyzǵa kemip qaldy degen aqparat bar.
"Sonda altyn arqyly tapqanymyz munaidan joǵaltqan tabysymyzdy jabady. Altynnyń bul jolǵy ósýi investorlardyń dollardyń saiasi tartys quralyna ainalyp ketýinen seskenip otyrǵandyǵyn ańǵartty. Eýropanyń Tramptyń sońǵy sheshimderi men málimdemelerinen shok alýy, Grenlandiiany Daniiadan tartyp alý boiynsha jaǵaustatar áreketter Briýsseldiń bolashaqta dollarlyq obligatsiialardy "toksik aktiv" dep sanai bastaýyna alyp kelýi múmkin. Jáne FRS stavkasy taǵy tómendese, dollardyń kezekti arzandaýy tek kommertsiialyq faktordan emes, saiasi effektten de bolmaq", - dep tarqatty ol.
Sarapshynyń pikirinshe, mundai kezde saiasi neitraldy aktiv - altyn kúsheiedi.
"Al aqpan aiynda dollardyń álsireýi men kerri-treiderlerdiń qozǵalmaýynan teńge taǵy kúsheiip, 500 ainalasyna baryp qalýy - óte realdy kartina", - dep túiindedi ol.
