Qazaqstan aýmaǵynyń shamamen 75%-y tabiǵi apattar qaýpine ushyraidy, al 15 mln-ǵa jýyq azamat táýekel aimaǵynda turady, dep habarlaidy dalanews.kz.
IýNISEF dereginshe, eldegi negizgi tabiǵi qaýipter qatarynda jer silkinisi, sý tasqyny men orman órtteri bar.
Tótenshe jaǵdailar ministrliginiń málimetinshe, Qazaqstannyń 16 óńirinde jer silkinisi men sý tasqyny qaýpi bar. Bul aimaqtarda 3 mln-nan astam turǵyn úi nysany jáne shamamen 15 mln azamat táýekel aimaǵynda ornalasqan.
Tabiǵi apattardyń saldary ekonomika men halyqqa aitarlyqtai shyǵyn keltiredi. Máselen, 2024 jyly sý tasqynynan keiingi qalpyna keltirý jumystaryna 54,7 mlrd teńge bólingen. Al 2022 jyly Qostanai oblysyndaǵy orman órtterinen kelgen shyǵyn 6 mlrd teńgeni quraǵan.
Memleket biýdjetten apat saldaryn joiýǵa jyl saiyn shamamen 18 mlrd teńge bóledi. Alaida bul soma keltirilgen jalpy shyǵynnyń shamamen 15-20%-yn ǵana jabady.
Sonymen qatar sońǵy bes jylda múlikti erikti saqtandyrý sharttarynyń sany 12%-ǵa, saqtandyrý syilyqaqylary 51%-ǵa ósken. Soǵan qaramastan, turǵyn úidi saqtandyrý deńgeii áli de tómen.
Qazaqstan boiynsha úi ieleriniń nebári 3,2%-ynda saqtandyrý polisi bar. Almatyda bul kórsetkish 7,7%-dy quraidy.
