Aqtóbede er adam júrgizýshilerdi aldaýdyń tosyn tásilin oilap tapqan. Ol jaiaý júrginshiler ótkelinde ózin kólik qaǵyp ketkendei etip kórsetken, dep habarlaidy dalanews.kz.
Jienbaev jáne Tashkent kósheleri qiylysyndaǵy jaiaý júrginshiler ótkelinde er adam ózin kólik qaǵyp ketkendei keiip tanytqan. Keiin júrgizýshilerge jol apaty saldarynan dene jaraqatyn alǵanyn aityp, olardan aqsha talap etken.
Tekseris barysynda onyń mundai áreketke eki ret barǵany anyqtaldy. Onyń sózine sengen júrgizýshiler mobildi qosymsha arqyly aqsha aýdarǵan. Bir jaǵdaida 250 myń teńge, ekinshi jaǵdaida 200 myń teńge berilgen.
Keltirilgen jalpy shyǵyn kólemi - 450 myń teńge. Júrgizýshilerdiń biri keiin bolǵan jaǵdaiǵa kúmán keltirip, politsiiaǵa júgingen.
"Tekseris barysynda aqparat rastalyp, er adam anyqtalyp, kúdikti retinde tanyldy. Qazir is boiynsha oqiǵanyń barlyq mán-jaiyn anyqtaýǵa baǵyttalǵan tergeý júrgizilip jatyr", - dedi IIM ókili.
