Premer-ministrdiń orynbasary Ermek Kósherbaev Almatyda Vladimir Jirinovskiige arnap eskertkish ornatýǵa qatysty oiyn aitty, dep habarlaidy Dalanews.kz.
"Joq, sebebi joq... Men joq dedim" dep qysqa qaiyrdy Kósherbaev májilis kýlýarynda.
Eske salaiyq, buǵan deiin reseilik depýtattar saiasatkerdiń 80 jyldyǵyna orai Almatyda oǵan eskertkish ornatýdy usynǵanyn habarlaǵan edik.
Mereitoidy atap ótýge arnalǵan qujattarda Almaty Jirinovskiidiń “kishi otany” retinde kórsetilgen. Jobany Resei Memlekettik Dýmasynyń tóraǵasy Viacheslav Volodin qadaǵalaidy.
Aita keteiik, 2005 jyly Vladimir Jirinovskii Qazaqstandy “eshqashan tarihta bolmaǵan memleket” dep ataǵan málimdemesinen keiin, el biligi Vladimir Jirinovskiidi Qazaqstanǵa kirýge jáne el aýmaǵynda bolýǵa tyiym salynǵan tulǵa dep jariialaǵan bolatyn.
Almaty ákimdigi de bul usynysqa pikir bildirdi.
"Almaty qalasynyń mádeniet basqarmasyna V.Jirinovskiige eskertkish ornatý týraly ótinish túsken joq. Almaty qalasynyń tarih jáne mádeniet eskertkishterin qorǵaý jónindegi komissiia tiisti usynysty qarastyrǵan joq, deidi Almaty ákimdiginiń ókilderi.
