پرەمەر-مينيستردىڭ ورىنباسارى ەرمەك كوشەربايەۆ الماتىدا ۆلاديمير جيرينوۆسكييگە ارناپ ەسكەرتكىش ورناتۋعا قاتىستى ويىن ايتتى، دەپ حابارلايدى Dalanews.kz.
"جوق، سەبەبى جوق... مەن جوق دەدىم" دەپ قىسقا قايىردى كوشەربايەۆ ءماجىلىس كۋلۋارىندا.
ەسكە سالايىق، بۇعان دەيىن رەسەيلىك دەپۋتاتتار ساياساتكەردىڭ 80 جىلدىعىنا وراي الماتىدا وعان ەسكەرتكىش ورناتۋدى ۇسىنعانىن حابارلاعان ەدىك.
مەرەيتويدى اتاپ وتۋگە ارنالعان قۇجاتتاردا الماتى جيرينوۆسكييدىڭ “كىشى وتانى” رەتىندە كورسەتىلگەن. جوبانى رەسەي مەملەكەتتىك دۋماسىنىڭ ءتوراعاسى ۆياچەسلاۆ ۆولودين قاداعالايدى.
ايتا كەتەيىك، 2005 جىلى ۆلاديمير جيرينوۆسكيي قازاقستاندى “ەشقاشان تاريحتا بولماعان مەملەكەت” دەپ اتاعان مالىمدەمەسىنەن كەيىن، ەل بيلىگى ۆلاديمير جيرينوۆسكييدى قازاقستانعا كىرۋگە جانە ەل اۋماعىندا بولۋعا تىيىم سالىنعان تۇلعا دەپ جاريالاعان بولاتىن.
الماتى اكىمدىگى دە بۇل ۇسىنىسقا پىكىر ءبىلدىردى.
"الماتى قالاسىنىڭ مادەنيەت باسقارماسىنا ۆ.جيرينوۆسكييگە ەسكەرتكىش ورناتۋ تۋرالى ءوتىنىش تۇسكەن جوق. الماتى قالاسىنىڭ تاريح جانە مادەنيەت ەسكەرتكىشتەرىن قورعاۋ جونىندەگى كوميسسيا ءتيىستى ۇسىنىستى قاراستىرعان جوق، دەيدى الماتى اكىمدىگىنىڭ وكىلدەرى.
