Kentaýdaǵy ónerkásiptik aimaq territoriiasy 2075 jylǵa deiin tótenshe ekologiialyq jaǵdai aimaǵy bolyp tanyldy. Tiisti buiryqqa 23 sáýirde Ekologiia jáne tabiǵi resýrstar ministri Erlan Nysanbaev qol qoiǵan. Tótenshe ekologiialyq jaǵdai aimaǵyna Kentaý qalasynyń soltústigine irgeles jatqan 900 gektar óndiristik aimaq kiredi, dep habarlaidy Dalanews.kz.
Arnaiy rejimniń qoldanys merzimi 2075 jyldyń 1 qańtaryna deiin dep belgilendi.
Ministr Túrkistan oblysynyń ákimdigine kelisim boiynsha mynadai sharalardy engizýdi tapsyrdy:
- arnaiy kirý jáne shyǵý rejimin ornatý, kólik quraldarynyń qozǵalysyn shekteý;
- qyzmeti tótenshe ekologiialyq jaǵdaidy joiýǵa nemese halyqtyń tynys-tirshiligin qamtamasyz etýge bailanysty emes jańa kásiporyndar men basqa da obektilerdi salýǵa jáne jumys istep turǵan nysandardy keńeitýge tyiym salý;
- turǵyndardy adamdar turýǵa qaýipti jerlerden shyǵaryp, olarǵa turaqty nemese ýaqytsha turýǵa arnalǵan úi-jailar berýdi;
- saýyqtyrý, kýrorttyq maqsattaǵy obektilerdiń jumysyna tyiym salý.
Sondai-aq, qujatta ónerkásiptik aimaq aýmaǵynda eshkim turmaityny naqtylanady.
Kentaýdyń ekologiialyq apat aimaǵyndaǵy qala retinde resmi túrde tanylǵany 2024 jyldyń sońynda belgili boldy. Ol kezde Túrkistan oblysynyń ákimi Darhan Satybaldy tótenshe ekologiialyq jaǵdai aimaǵynda turatyn turǵyndardyń jalaqysyna 20% ústemeaqy qosylatynyn aitqan.
