Ishki ister ministrligi Shyǵys Qazaqstan oblysynda quramynda altyny bar shikizatty zańsyz óndirip, óńdeýmen ainalysqan toptyń áreketine tosqaýyl qoidy, dep habarlaidy dalanews.kz.
Tergeý málimetinshe, kúdiktiler jaýapkershiligi shekteýli seriktestiktiń zańdy qyzmetin búrkemelep, zańsyz altyn óndirý shemasyn uiymdastyrǵan.
Jedel is-sharalar barysynda uiymdastyrýshylar men jetekshilerdi qosqanda jalpy 63 adam ustaldy. Sondai-aq, zańsyz jumysqa qatysy bar sheteldiń 13 azamaty da qolǵa tústi.
Tintý kezinde birneshe kólik pen arnaiy tehnika, 40 myń AQSh dollarynan asa aqsha, quramynda altyny bar shikizat, altyn, sondai-aq, zańsyz qyzmetke qatysty qujattar men ózge de aiǵaqtar tárkilendi.
Aldyn ala málimet boiynsha zańsyz ken óndirý saldarynan qorshaǵan ortaǵa eleýli ziian kelgen. Mamandardyń aitýynsha, topyraq búlinip, tabiǵi landshaft ózgergen jáne óńir ekojúiesine keri áseri tigen. Keltirilgen shyǵyn kólemi saraptama nátijesinde anyqtalady.
