Resei ǵylym akademiiasynyń Ǵaryshtyq zertteýler institýtynyń Kún astronomiiasy zerthanasy Kúndegi belsendiliktiń kúrt kúsheigenin tirkedi, dep habarlaidy dalanews.kz.
Ǵalymdardyń málimetinshe, ǵaryshtan alynǵan sońǵy sýretterde Kún betindegi buryn bir-birinen bólek ornalasqan eki daq toby táj (korona) deńgeiinde ózara bailanysyp, birtutas kúrdeli magnittik qurylymǵa ainalǵany baiqalǵan. Qazir olar magnit órisiniń syzyqtary arqyly energiiany belsendi túrde almasyp jatyr.
Zerthana mamandarynyń aitýynsha, bul jaǵdaidyń eki qyry bar. Bir jaǵynan, daqtar bir-birine artyq energiiany berý arqyly kerneýdi azdap tómendetýi múmkin. Al ekinshi jaǵynan, osyndai birikken magnittik qurylym óte úlken energiia qoryn jinaqtap, asa qýatty jarylysqa sebep bolýy yqtimal.
Mamandar ázirge mundai jarylystyń naqty qashan bolýy múmkin ekenin aitqan joq. Alaida Kúndegi belsendiliktiń kúsheiýi ǵaryshtyq aýa raiyna áser etip, Jerdegi bailanys júieleri, spýtnikter jáne navigatsiialyq júielerdiń jumysyna yqpal etýi múmkin ekenin eskertip otyr.
