AQSh prezidenti Donald Tramp usynǵan Beibitshilik keńesine onnan asa el qatysýǵa niet bildirdi, dep habarlaidy Dalanews.kz.
Ázirge shaqyrýdy ashyq túrde bes memleket qana qabyldaǵan. Olar – BAÁ, Belarýs, Marokko, Vengriia jáne Kanada.
Al Aq úi ókilderi keńeske múshe elder úsh jyldyq qatysý merzimin turaqty múshelikke aýystyrý úshin 1 milliard dollar kóleminde jarna engize alatynyn málimdedi.
Eske salaiyq, buǵan deiin AQSh prezidenti Donald Tramp Qazaqstandy jáne Memleket basshysy Qasym-Jomart Toqaevty Gaza máselesi jónindegi Beibitshilik keńesiniń quramyna shaqyrdy.
Uiymnyń jarǵy jobasyna sáikes keńestiń alǵashqy tóraǵasy mindetin AQSh prezidenti atqarady. Sondai-aq, uiymǵa qai elder múshe bolatynyn ózi sheshpek.
