اقش پرەزيدەنتى دونالد ترامپ ۇسىنعان بەيبىتشىلىك كەڭەسىنە وننان اسا ەل قاتىسۋعا نيەت ءبىلدىردى، دەپ حابارلايدى Dalanews.kz.
ازىرگە شاقىرۋدى اشىق تۇردە بەس مەملەكەت قانا قابىلداعان. ولار – ءباا، بەلارۋس، ماروككو، ۆەنگريا جانە كانادا.
ال اق ءۇي وكىلدەرى كەڭەسكە مۇشە ەلدەر ءۇش جىلدىق قاتىسۋ مەرزىمىن تۇراقتى مۇشەلىككە اۋىستىرۋ ءۇشىن 1 ميلليارد دوللار كولەمىندە جارنا ەنگىزە الاتىنىن مالىمدەدى.
ەسكە سالايىق، بۇعان دەيىن اقش پرەزيدەنتى دونالد ترامپ قازاقستاندى جانە مەملەكەت باسشىسى قاسىم-جومارت توقايەۆتى گازا ماسەلەسى جونىندەگى بەيبىتشىلىك كەڭەسىنىڭ قۇرامىنا شاقىردى.
ۇيىمنىڭ جارعى جوباسىنا سايكەس كەڭەستىڭ العاشقى ءتوراعاسى مىندەتىن اقش پرەزيدەنتى اتقارادى. سونداي-اق، ۇيىمعا قاي ەلدەر مۇشە بولاتىنىن ءوزى شەشپەك.
