Jergilikti investorlar asyǵa kútken KEGOC aktsionerlik qoǵamynyń 2024 jyldyń toǵyz aiy boiynsha esebi jariialandy. Qor birjasyndaǵy "oiynshylar" úmiti aqtalyp, atalǵan kezeńde kompaniianyń taza tabysy 64%-ǵa artqan. Bul óte tamasha kórsetkish! Iaǵni, KEGOC 2024 jyldyń 9 aiynda 47 mlrd teńge tabys tapqan, al 2023 jyldyń sáikes kezeńindegi bul kórsetkish 28,63 mlrd teńgeni quraǵan edi, dep habarlaidy Dalanews.kz.
Jyl basynan beri kompaniianyń túsimi de artqan. Byltyr 9 aida operator 172,9 mlrd teńge túsim alsa, biyl túsken qarjy 232,4 mlrd teńgeni quraidy. Bul qarjynyń 208,5 mlrd teńgesi qazaqstandyq satyp alýshylardan túsken. Al reseilik tutynýshylardan 22,4 mlrd teńge tústi. Al operatsiialyq tabysy 59,2 mlrd teńgeni qurady.
KEGOC-tyń jyl basynan bergi aktivi 19,17 mlrd teńgemen nemese 19,1%-ǵa tolyǵyp, 1,02 trln teńgege deiin ósti.
Kompaniianyń mindettemeleri 5,98 mlrd teńgege nemese 1,9%-ǵa azaiyp, 310,08 mlrd teńgeni qurady. Buǵan kompaniianyń uzaqmerzimdi mindettemeleriniń azaiýy túrtki. Bul kórsetkish jyl basynan beri 5,49 mlrd teńgege qysqarǵan. Bul da oń sipattaǵy kórsetkish.
Buǵan deiin KEGOC 2024 jyldyń birinshi jarty jyldyǵynda 22,7 mlrd teńge dividend tólegenin jazǵan bolatynbyz.
Kompaniianyń negizgi aktsioneri – "Samuryq-Qazyna" qory, ol ulttyq operatordyń 85% aktsiiasyna ielik etedi.
