جەرگٸلٸكتٸ ينۆەستورلار اسىعا كٷتكەن KEGOC اكتسيونەرلٸك قوعامىنىڭ 2024 جىلدىڭ توعىز ايى بويىنشا ەسەبٸ جارييالاندى. قور بيرجاسىنداعى "ويىنشىلار" ٷمٸتٸ اقتالىپ, اتالعان كەزەڭدە كومپانييانىڭ تازا تابىسى 64%-عا ارتقان. بۇل ٶتە تاماشا كٶرسەتكٸش! ياعني, KEGOC 2024 جىلدىڭ 9 ايىندا 47 ملرد تەڭگە تابىس تاپقان, ال 2023 جىلدىڭ سەيكەس كەزەڭٸندەگٸ بۇل كٶرسەتكٸش 28,63 ملرد تەڭگەنٸ قۇراعان ەدٸ, دەپ حابارلايدى Dalanews.kz.
جىل باسىنان بەرٸ كومپانييانىڭ تٷسٸمٸ دە ارتقان. بىلتىر 9 ايدا وپەراتور 172,9 ملرد تەڭگە تٷسٸم السا, بيىل تٷسكەن قارجى 232,4 ملرد تەڭگەنٸ قۇرايدى. بۇل قارجىنىڭ 208,5 ملرد تەڭگەسٸ قازاقستاندىق ساتىپ الۋشىلاردان تٷسكەن. ال رەسەيلٸك تۇتىنۋشىلاردان 22,4 ملرد تەڭگە تٷستٸ. ال وپەراتسييالىق تابىسى 59,2 ملرد تەڭگەنٸ قۇرادى.
KEGOC-تىڭ جىل باسىنان بەرگٸ اكتيۆٸ 19,17 ملرد تەڭگەمەن نەمەسە 19,1%-عا تولىعىپ, 1,02 ترلن تەڭگەگە دەيٸن ٶستٸ.
كومپانييانىڭ مٸندەتتەمەلەرٸ 5,98 ملرد تەڭگەگە نەمەسە 1,9%-عا ازايىپ, 310,08 ملرد تەڭگەنٸ قۇرادى. بۇعان كومپانييانىڭ ۇزاقمەرزٸمدٸ مٸندەتتەمەلەرٸنٸڭ ازايۋى تٷرتكٸ. بۇل كٶرسەتكٸش جىل باسىنان بەرٸ 5,49 ملرد تەڭگەگە قىسقارعان. بۇل دا وڭ سيپاتتاعى كٶرسەتكٸش.
بۇعان دەيٸن KEGOC 2024 جىلدىڭ بٸرٸنشٸ جارتى جىلدىعىندا 22,7 ملرد تەڭگە ديۆيدەند تٶلەگەنٸن جازعان بولاتىنبىز.
كومپانييانىڭ نەگٸزگٸ اكتسيونەرٸ – "سامۇرىق-قازىنا" قورى, ول ۇلتتىق وپەراتوردىڭ 85% اكتسيياسىنا يەلٸك ەتەدٸ.
