Aliment boiynsha boryshkerler qylmystyq jaýaptylyqqa tartyldy, – dep habarlaidy Dalanews.kz.
Almaty qalasynyń prokýratýrasy kámeletke tolmaǵandardyń aliment alý quqyǵyn qorǵaý jóninde belsendi jumysty jalǵastyryp jatyr.
Basym baǵyttardyń biri - qumar oiyndardan, býkmekerlik keńselerden, internet platformalardan (Iandeks Taksi, InDriver) jáne elektron ámiiandardan (Simply) alynǵan kiristerin jasyryp qalatyn tóleýshilerdiń mindettemelerdi oryndaýyn qadaǵalaý.
Prokýratýra aliment boiynsha 1 741 757 teńge qaryzy bar, kazinodan 4 million teńgeden asa utys alǵan, biraq úsh aidan asa ýaqyt boiy mindettemelerin oryndaýdan qasaqana jaltarǵan boryshkerdi anyqtady.
Kámeletke tolmaǵandardyń isteri jónindegi mamandandyrylǵan aýdanaralyq sottyń úkimimen ol QR QK-niń 139-babynda kózdelgen qylmystyq quqyqbuzýshylyqty jasaǵany úshin kináli dep tanylyp, bir jylǵa bas bostandyǵyn shekteý jazasyna sottaldy.
Taǵy bir boryshkerge qatysty osyǵan uqsas zańbuzýshylyq anyqtaldy, ol resmi jumyspen qamtylýyna jáne 3 099 255 teńge mólsherindegi bereshegi baryna qaramastan aliment tólemegen.
Sot ony kináli dep tanyp, bir jylǵa bas bostandyǵyn shekteý túrindegi jaza taǵaiyndady.
Qala prokýratýrasynyń bastamasymen aliment tóleýden qasaqana jaltarý faktileri boiynsha 14 sotqa deiingi tergep-tekserý bastaldy, onyń 11-ine aiyptaý úkimi shyǵyp, aiaqtaldy.
Almaty prokýratýrasy kámeletke tolmaǵan balalardy kútip-baǵý mindeti ata-analarǵa júktelgenin eske salady.
Aliment tóleýden jaltarý ákimshilik (QR ÁQBtK-niń 669-baby) jáne qylmystyq (QR QK-niń 139-baby) jaýaptylyqqa ákep soǵady.
