اليمەنت بويىنشا بورىشكەرلەر قىلمىستىق جاۋاپتىلىققا تارتىلدى، – دەپ حابارلايدى Dalanews.kz.
الماتى قالاسىنىڭ پروكۋراتۋراسى كامەلەتكە تولماعانداردىڭ اليمەنت الۋ قۇقىعىن قورعاۋ جونىندە بەلسەندى جۇمىستى جالعاستىرىپ جاتىر.
باسىم باعىتتاردىڭ ءبىرى - قۇمار ويىنداردان، بۋكمەكەرلىك كەڭسەلەردەن، ينتەرنەت پلاتفورمالاردان (ياندەكس تاكسي، InDriver) جانە ەلەكترون ءاميانداردان (Simply) الىنعان كىرىستەرىن جاسىرىپ قالاتىن تولەۋشىلەردىڭ مىندەتتەمەلەردى ورىنداۋىن قاداعالاۋ.
پروكۋراتۋرا اليمەنت بويىنشا 1 741 757 تەڭگە قارىزى بار، كازينودان 4 ميلليون تەڭگەدەن اسا ۇتىس العان، ءبىراق ءۇش ايدان اسا ۋاقىت بويى مىندەتتەمەلەرىن ورىنداۋدان قاساقانا جالتارعان بورىشكەردى انىقتادى.
كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتتىڭ ۇكىمىمەن ول ق ر قك-نىڭ 139-بابىندا كوزدەلگەن قىلمىستىق قۇقىقبۇزۋشىلىقتى جاساعانى ءۇشىن كىنالى دەپ تانىلىپ، ءبىر جىلعا باس بوستاندىعىن شەكتەۋ جازاسىنا سوتتالدى.
تاعى ءبىر بورىشكەرگە قاتىستى وسىعان ۇقساس زاڭبۇزۋشىلىق انىقتالدى، ول رەسمي جۇمىسپەن قامتىلۋىنا جانە 3 099 255 تەڭگە مولشەرىندەگى بەرەشەگى بارىنا قاراماستان اليمەنت تولەمەگەن.
سوت ونى كىنالى دەپ تانىپ، ءبىر جىلعا باس بوستاندىعىن شەكتەۋ تۇرىندەگى جازا تاعايىندادى.
قالا پروكۋراتۋراسىنىڭ باستاماسىمەن اليمەنت تولەۋدەن قاساقانا جالتارۋ فاكتىلەرى بويىنشا 14 سوتقا دەيىنگى تەرگەپ-تەكسەرۋ باستالدى، ونىڭ 11-ىنە ايىپتاۋ ۇكىمى شىعىپ، اياقتالدى.
الماتى پروكۋراتۋراسى كامەلەتكە تولماعان بالالاردى كۇتىپ-باعۋ مىندەتى اتا-انالارعا جۇكتەلگەنىن ەسكە سالادى.
اليمەنت تولەۋدەن جالتارۋ اكىمشىلىك (ق ر اقبتك-نىڭ 669-بابى) جانە قىلمىستىق (ق ر قك-نىڭ 139-بابى) جاۋاپتىلىققا اكەپ سوعادى.
