Mańǵystaý oblysynyń Túpqaraǵan aýdanynda Kaspii teńiziniń jaǵalaýynan qyzyl kitapqa engen 88 itbalyqtyń óleksesi tabyldy. Bul týraly Jaiyq–Kaspii oblysaralyq basseindik balyq sharýashylyǵy inspektsiiasy málimdedi,- dep habarlaidy Dalanews.kz
Tabylǵan aýmaqqa inspektsiia ókilderimen birge jergilikti ákimdik pen gidrobiologiia jáne ekologiia institýtynyń mamandary baryp, jaǵdaidy tekserdi. Óli janýarlar boiynsha Túpqaraǵan aýdanynyń politsiia bóliminde QR QK 339-baby (sirek kezdesetin jáne joiylyp ketý qaýpi tóngen janýarlardy zańsyz joiý) boiynsha sotqa deiingi tergep-tekserý bastaldy.
Qazgidromet mamandarynyń aitýynsha, oqiǵa oryn alǵan kezeńde teńizde batys baǵyttaǵy jelder ústem bolǵan, bul ólekselerdi jaǵaǵa alyp kelýi múmkin. Al gidrobiologiia jáne ekologiia institýtynyń dereginshe, tabylǵan itbalyqtardyń denesi qatty shirip ketkendikten, olardan zerthanalyq taldaý úshin sapaly synama alý múmkin bolmaǵan.
Qazirgi ýaqytta itbalyqtardyń naqty neden qyrylǵany belgisiz.
Kaspii teńiziniń jaǵalaý beldeýinde monitoring jumystary jalǵasyp jatyr. Itbalyqtardyń jappai qyrylýy boiynsha jaǵdai Aýyl sharýashylyǵy ministrligine qarasty Balyq sharýashylyǵy komitetiniń baqylaýynda.
