Kaspi.kz klıentterin qoldaý baǵdarlamasynyń iske qosylǵany týraly habarlady.
Búgin Mıhaıl Lomtadzeniń resmı Youtube arnasynda kompanıa klıentterine úndeýi jarıalandy. Kaspi.kz basshysy Kaspi klıentteri qosymsha qandaı qoldaý alatyny týraly aıtty.
- Biz jumysymyzda "Bizdiń klıentterimizge jaqsy, qazaqstandyqtarǵa jaqsy bolsa, Kaspi-ge de jaqsy", degen mańyzdy prınsıpti basshylyqqa alamyz. Sondyqtan qarjy retteýshisiniń sharalaryna qosymsha biz klıentterdi qoldaýdyń jeke baǵdarlamasyn iske qosamyz, jumyssyz qalyp, ýaqytsha qarjylyq qıyndyqqa tap bolǵan klıentterge aı saıynǵy tólemdi 2 aıǵa shegeremiz. Klıentterdi qoldaý baǵdarlamasyna ótinimdi Kaspi.kz qosymshasynda 2 sáýirden bastap berýge bolady. Klıentterimiz eshqaıda shyqpaý úshin uıaly qosymshada jasadyq, - deıdi Lomtadze.
Biraq 3 mańyzdy nársege nazar aýdarý kerek:
- Birinshiden, baǵdarlamaǵa qatysý úshin tólenbegen qaryzy bolmaýy kerek.
- Ekinshiden, 18 naýryzǵa deıingi alynǵan zaımdar boıynsha ǵana tólemder shegeriledi.
Eger kiristerińiz mindettemelerińizdi qaıtarýǵa jetpese qazirden, búginnen bastap jańa qaryz almańyzdar.
- Úshinshiden, baǵdarlama aıasynda tólemi keıinge shegerilgen adamdar qarjylyq jaǵdaıy jaqsarǵansha jańa kredıt ala almaıdy. Bul birinshi kezekte klıentterge qamqorlyq jasaý jáne olardyń qarjylyq jaǵdaıynyń nasharlaýyn boldyrmaý maqsatynda jasalady.
