Kaspi.kz كليەنتتەرٸنٸڭ تٶلەمدەرٸن 2 ايعا شەگەرەدٸ
Kaspi.kz كليەنتتەرٸن قولداۋ باعدارلاماسىنىڭ ٸسكە قوسىلعانى تۋرالى حابارلادى.
بٷگٸن ميحايل لومتادزەنٸڭ رەسمي Youtube ارناسىندا كومپانييا كليەنتتەرٸنە ٷندەۋٸ جارييالاندى. Kaspi.kz باسشىسى Kaspi كليەنتتەرٸ قوسىمشا قانداي قولداۋ الاتىنى تۋرالى ايتتى.
- بٸز جۇمىسىمىزدا "بٸزدٸڭ كليەنتتەرٸمٸزگە جاقسى, قازاقستاندىقتارعا جاقسى بولسا, Kaspi-گە دە جاقسى", دەگەن ماڭىزدى پرينتسيپتٸ باسشىلىققا الامىز. سوندىقتان قارجى رەتتەۋشٸسٸنٸڭ شارالارىنا قوسىمشا بٸز كليەنتتەردٸ قولداۋدىڭ جەكە باعدارلاماسىن ٸسكە قوسامىز, جۇمىسسىز قالىپ, ۋاقىتشا قارجىلىق قيىندىققا تاپ بولعان كليەنتتەرگە اي سايىنعى تٶلەمدٸ 2 ايعا شەگەرەمٸز. كليەنتتەردٸ قولداۋ باعدارلاماسىنا ٶتٸنٸمدٸ Kaspi.kz قوسىمشاسىندا 2 سەۋٸردەن باستاپ بەرۋگە بولادى. كليەنتتەرٸمٸز ەشقايدا شىقپاۋ ٷشٸن ۇيالى قوسىمشادا جاسادىق, - دەيدٸ لومتادزە.
بٸراق 3 ماڭىزدى نەرسەگە نازار اۋدارۋ كەرەك:
- بٸرٸنشٸدەن, باعدارلاماعا قاتىسۋ ٷشٸن تٶلەنبەگەن قارىزى بولماۋى كەرەك.
- ەكٸنشٸدەن, 18 ناۋرىزعا دەيٸنگٸ الىنعان زايمدار بويىنشا عانا تٶلەمدەر شەگەرٸلەدٸ.
ەگەر كٸرٸستەرٸڭٸز مٸندەتتەمەلەرٸڭٸزدٸ قايتارۋعا جەتپەسە قازٸردەن, بٷگٸننەن باستاپ جاڭا قارىز الماڭىزدار.
- ٷشٸنشٸدەن, باعدارلاما اياسىندا تٶلەمٸ كەيٸنگە شەگەرٸلگەن ادامدار قارجىلىق جاعدايى جاقسارعانشا جاڭا كرەديت الا المايدى. بۇل بٸرٸنشٸ كەزەكتە كليەنتتەرگە قامقورلىق جاساۋ جەنە ولاردىڭ قارجىلىق جاعدايىنىڭ ناشارلاۋىن بولدىرماۋ ماقساتىندا جاسالادى.
