Almaty qalalyq soty jýrnalist Mihail Kozachkovqa qatysty ákimshilik is boiynsha sheshim shyǵardy. Bul isti Májilis depýtaty Bolatbek Najmetdinuly (Aliev) qozǵaǵan edi. Alaida sot jýrnalisttiń áreketinen quqyqbuzýshylyq quramyn tappady, dep habarlaidy Dalanews.kz.
Jýrnalist Mihail Kozachkovtyń aitýynsha, depýtat ony «jala japty» dep jaýapqa tartýdy talap etken. Biraq sot bul ýájdi qoldamady.
"Sot meniń is-árketimnen eshqandai quqyqbuzýshylyq quramyn tappady. Sonymen, Aliev tolyqtai jeńildi. Onyń advokaty tipti meni Konstitýtsiiany buzdy dep aiyptaýǵa tyrysty, biraq sotqa bul dálel áser etpedi", – dedi Kozachkov.
Sheshim kúshine engen soń jýrnalist pen onyń qorǵaýshylary bul isti zańsyz qozǵaǵan tulǵalardan ókildik shyǵyndaryn óndirip alýdy josparlap otyr.
Kozachkov talap qoiýǵa nietti tulǵalardyń tizimin atady:
- buryn qylmys úshin sottalǵan, keden salasynan jemqorlyqpen jumystan bosatylǵan depýtat Bolatbek Aliev;
- zańsyz hattama jasaǵan ýchaskelik politsiia qyzmetkeri Aidos Jámishev;
- Bostandyq aýdandyq politsiia basqarmasynyń jergilikti politsiia qyzmetiniń bastyǵy Oljas Elgondyev;
- qujattarǵa qol qoiǵan basqarma basshysynyń mindetin atqarýshy Denis Loskýtov.
Bul is qoǵam nazaryn erekshe aýdarǵan bolatyn. Sebebi jýrnaliske qatysty ákimshilik qýdalaý sóz bostandyǵyna qysym kórsetý retinde baǵalanǵan edi.
