الماتى قالالىق سوتى جۋرناليست ميحايل كوزاچكوۆقا قاتىستى ەكٸمشٸلٸك ٸس بويىنشا شەشٸم شىعاردى. بۇل ٸستٸ مەجٸلٸس دەپۋتاتى بولاتبەك ناجمەتدينۇلى (اليەۆ) قوزعاعان ەدٸ. الايدا سوت جۋرناليستتٸڭ ەرەكەتٸنەن قۇقىقبۇزۋشىلىق قۇرامىن تاپپادى, دەپ حابارلايدى Dalanews.kz.
جۋرناليست ميحايل كوزاچكوۆتىڭ ايتۋىنشا, دەپۋتات ونى «جالا جاپتى» دەپ جاۋاپقا تارتۋدى تالاپ ەتكەن. بٸراق سوت بۇل ۋەجدٸ قولدامادى.
"سوت مەنٸڭ ٸس-ەركەتٸمنەن ەشقانداي قۇقىقبۇزۋشىلىق قۇرامىن تاپپادى. سونىمەن, اليەۆ تولىقتاي جەڭٸلدٸ. ونىڭ ادۆوكاتى تٸپتٸ مەنٸ كونستيتۋتسييانى بۇزدى دەپ ايىپتاۋعا تىرىستى, بٸراق سوتقا بۇل دەلەل ەسەر ەتپەدٸ", – دەدٸ كوزاچكوۆ.
شەشٸم كٷشٸنە ەنگەن سوڭ جۋرناليست پەن ونىڭ قورعاۋشىلارى بۇل ٸستٸ زاڭسىز قوزعاعان تۇلعالاردان ٶكٸلدٸك شىعىندارىن ٶندٸرٸپ الۋدى جوسپارلاپ وتىر.
كوزاچكوۆ تالاپ قويۋعا نيەتتٸ تۇلعالاردىڭ تٸزٸمٸن اتادى:
- بۇرىن قىلمىس ٷشٸن سوتتالعان, كەدەن سالاسىنان جەمقورلىقپەن جۇمىستان بوساتىلعان دەپۋتات بولاتبەك اليەۆ;
- زاڭسىز حاتتاما جاساعان ۋچاسكەلٸك پوليتسييا قىزمەتكەرٸ ايدوس جەمٸشەۆ;
- بوستاندىق اۋداندىق پوليتسييا باسقارماسىنىڭ جەرگٸلٸكتٸ پوليتسييا قىزمەتٸنٸڭ باستىعى ولجاس ەلگوندىەۆ;
- قۇجاتتارعا قول قويعان باسقارما باسشىسىنىڭ مٸندەتٸن اتقارۋشى دەنيس لوسكۋتوۆ.
بۇل ٸس قوعام نازارىن ەرەكشە اۋدارعان بولاتىن. سەبەبٸ جۋرناليسكە قاتىستى ەكٸمشٸلٸك قۋدالاۋ سٶز بوستاندىعىنا قىسىم كٶرسەتۋ رەتٸندە باعالانعان ەدٸ.
