Jýrnalist Sábit Rysbaev Ramazan aiynda aýyzasharǵa shaqyratyn kei adamdar jaily óz oiyn aitty. Onyń aitýynsha, kópshilik jaǵdaida ysyrapshyldyq bolyp jatyr, - dep habarlaidy Dalanews.kz
Jýrnalist bul jaily óziniń áleýmettik jelidegi paraqshasynda jazdy.
"Oraza aiy ǵoi. Aýyzasharǵa baramyz. Bir túrik tanysym bar. Úiine shaqyrǵanda aldymen jeńil sorpa beredi. Ony az ǵana quiady. Dastarhanda jeńil salat. Artynan ekinshisin ákeledi. Ony da árkim keregin salyp alady. Kishkene táttisi bolsa boldy. Bolmasa shái beredi. Ne ákelse sol jelinedi. Ana túriktiń firmasy bar. 4-5 páteri bar ekenin bilemin. Bilmeitinim bir tóbe bolar. Asqazandy da qinamaisyń rahat.Bir sińir tanysym bar. Ol páter jaldamaidy. Páter jaldaýǵa da aqsha kerek qoi. Bólme jaldaidy. 3 januia 3 bólmeli páterdi jaldaidy. Solai bólip tóleidi. Ondai januialar Astanada kóp. Aitpaǵym basqa. Osy sińir tanysym da aýyzasharǵa shaqyrady. Oibai onyń dastarhany masqara. 3-4 túrli salat. Samsa jáne taǵy basqa. Et ákeledi. Artynan dastarhandy jańartyp táttileri men torty keledi. Qarap tursam, bailardyń dastarhanyna qaraǵanda kedeidiń dastarhany artyq zaman boldy.Qazir qudalyq degenge barmai kettim. Buryn ony da kórgenmin. Kafede staqan qoiatyn oryn bolmaidy. Sorpa, et asady, artynan káýap ákelgen. Odan shyǵyp naǵashylary bir úige dastarhan jaiǵan eken. Soǵan bardy. Odan shyǵyp ákesiniń týystary kafe jaldaǵan eken. Olar kútti. Sońǵy 2 dastarhannyń 10%-y da jelinbedi. Asqazandary rezeńke emes qoi. Ne degen ysyrap bizdiki deitinmin. Toi-moi, jiyn, as - bári osylai ótedi. Bai qazaq ta, kedei qazaq ta jyrtyla beredi. Bara-bara bul asqynyp jatyr", - dep jazdy Sábit Rysbaev.
