AQSH-tyń Vashıngton shtaty musylmandar úshin qasıetti Ramazan aıyn resmı túrde tanydy. Bul týraly shtat gýbernatory Bob Fergúson X áleýmettik jelisinde málimdedi, dep habarlaıdy Dalanews.kz

Gýbernatordyń aıtýynsha, shtattaǵy musylman qaýymy qoǵamnyń ajyramas bóligi sanalady jáne bilim berý, densaýlyq saqtaý, ekonomıka, tehnologıa, óner men azamattyq qoǵam salalarynyń damýyna eleýli úles qosyp keledi.

Bob Fergúson Ramazan aıynyń búkil álem musylmandary úshin oraza, qulshylyq, qaıyrymdylyq jáne yntymaq kezeńi ekenin atap ótti. Onyń sózinshe, bul aı jomarttyq, ózin-ózi tártipke shaqyrý, shúkirshilik pen áleýmettik jaýapkershilik sıaqty qundylyqtardy nyǵaıtady.

Sondaı-aq ol Vashıngton shtaty Ramazan men Qurban aıt merekesin resmı túrde moıyndaǵan AQSH-taǵy alǵashqy shtat bolǵanyn eske saldy.

Eske salaıyq, 2026 jylǵy 18 aqpan men 19 naýryz aralyǵy Ramazan aıy bolyp jarıalandy.