اقش-تىڭ ۆاشينگتون شتاتى مۇسىلماندار ءۇشىن قاسيەتتى رامازان ايىن رەسمي تۇردە تانىدى. بۇل تۋرالى شتات گۋبەرناتورى بوب فەرگيۋسون X الەۋمەتتىك جەلىسىندە مالىمدەدى، دەپ حابارلايدى Dalanews.kz
گۋبەرناتوردىڭ ايتۋىنشا، شتاتتاعى مۇسىلمان قاۋىمى قوعامنىڭ اجىراماس بولىگى سانالادى جانە ءبىلىم بەرۋ، دەنساۋلىق ساقتاۋ، ەكونوميكا، تەحنولوگيا، ونەر مەن ازاماتتىق قوعام سالالارىنىڭ دامۋىنا ەلەۋلى ۇلەس قوسىپ كەلەدى.
بوب فەرگيۋسون رامازان ايىنىڭ بۇكىل الەم مۇسىلماندارى ءۇشىن ورازا، قۇلشىلىق، قايىرىمدىلىق جانە ىنتىماق كەزەڭى ەكەنىن اتاپ ءوتتى. ونىڭ سوزىنشە، بۇل اي جومارتتىق، ءوزىن-وزى تارتىپكە شاقىرۋ، شۇكىرشىلىك پەن الەۋمەتتىك جاۋاپكەرشىلىك سياقتى قۇندىلىقتاردى نىعايتادى.
سونداي-اق ول ۆاشينگتون شتاتى رامازان مەن قۇربان ايت مەرەكەسىن رەسمي تۇردە مويىنداعان اقش-تاعى العاشقى شتات بولعانىن ەسكە سالدى.
ەسكە سالايىق، 2026 جىلعى 18 اقپان مەن 19 ناۋرىز ارالىعى رامازان ايى بولىپ جاريالاندى.
