1 qarashadaǵy jaǵdai boiynsha Memlekettik áleýmettik saqtandyrý qorynan jumysynan aiyrylýyna bailanysty áleýmettik tólem alýshylardyń sany 308,4 myń adamǵa jetken. Bul rette biyl 268,6 myń adamǵa tólem alǵash ret taǵaiyndaldy. Tólemniń jalpy somasy 106,8 mlrd teńge boldy, dep habarlaidy Dalanews.kz.
Qoldanystaǵy zańnamaǵa sáikes jumystan bosatylǵan adamdar mindetti áleýmettik saqtandyrý júiesine qatysý ótiline jáne sońǵy 24 aidaǵy tabysyna bailanysty 1 aidan 6 aiǵa deiin jumysynan aiyrylýy boiynsha áleýmettik tólemder alady. Tólem joǵalǵan kiristiń 45%-yna deiingi mólsherde MÁSQ qarajaty esebinen júzege asyrylady.
Tólem taǵaiyndaý úshin jumystan bosatylǵan adamǵa:
- eGov.kz portalynda avtorizatsiialaný;
- "Jumysqa ornalastyrý jáne jumyspen qamtý" bóliminde "Jumys izdeýshi adamdardy tirkeý" qyzmetin tańdaý;
- onlain qyzmetke tapsyrys berip, barlyq joldy toltyrý jáne oǵan ETsQ-men qol qoiyp, ótinishti jiberý qajet;
- bir kún ishinde turǵylyqty jerińizdegi mansap ortalyǵy bos jumys oryndaryn usynady;
- eger jumys tabylmasa, 3 jumys kúni ishinde qashyqtan jumyssyz mártebesi beriledi (qajet bolǵan jaǵdaida sizge MO qyzmetkeri qosymsha aqparat jinaý úshin habarlasady);
Bul qyzmetti onlain rejiminde Elektron eńbek birjasy (enbek.kz) arqyly da alýǵa bolady.
