1 قاراشاداعى جاعداي بويىنشا مەملەكەتتىك الەۋمەتتىك ساقتاندىرۋ قورىنان جۇمىسىنان ايىرىلۋىنا بايلانىستى الەۋمەتتىك تولەم الۋشىلاردىڭ سانى 308،4 مىڭ ادامعا جەتكەن. بۇل رەتتە بيىل 268،6 مىڭ ادامعا تولەم العاش رەت تاعايىندالدى. تولەمنىڭ جالپى سوماسى 106،8 ملرد تەڭگە بولدى، دەپ حابارلايدى Dalanews.kz.
قولدانىستاعى زاڭناماعا سايكەس جۇمىستان بوساتىلعان ادامدار مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن جۇمىسىنان ايىرىلۋى بويىنشا الەۋمەتتىك تولەمدەر الادى. تولەم جوعالعان كىرىستىڭ 45%-ىنا دەيىنگى مولشەردە ءماسق قاراجاتى ەسەبىنەن جۇزەگە اسىرىلادى.
تولەم تاعايىنداۋ ءۇشىن جۇمىستان بوساتىلعان ادامعا:
- eGov.kz پورتالىندا اۆتوريزاسيالانۋ؛
- "جۇمىسقا ورنالاستىرۋ جانە جۇمىسپەن قامتۋ" بولىمىندە "جۇمىس ىزدەۋشى ادامداردى تىركەۋ" قىزمەتىن تاڭداۋ؛
- ونلاين قىزمەتكە تاپسىرىس بەرىپ، بارلىق جولدى تولتىرۋ جانە وعان ەسق-مەن قول قويىپ، ءوتىنىشتى جىبەرۋ قاجەت؛
- ءبىر كۇن ىشىندە تۇرعىلىقتى جەرىڭىزدەگى مانساپ ورتالىعى بوس جۇمىس ورىندارىن ۇسىنادى؛
- ەگەر جۇمىس تابىلماسا، 3 جۇمىس كۇنى ىشىندە قاشىقتان جۇمىسسىز مارتەبەسى بەرىلەدى (قاجەت بولعان جاعدايدا سىزگە مو قىزمەتكەرى قوسىمشا اقپارات جيناۋ ءۇشىن حابارلاسادى)؛
بۇل قىزمەتتى ونلاين رەجيمىندە ەلەكترون ەڭبەك بيرجاسى (enbek.kz) ارقىلى دا الۋعا بولادى.
