Jaqynda HVQ-nyń júrgizgen zertteýi jariialanǵan bolatyn. Onda Qazaqstan 2025 jyly jan basyna shaqqandaǵy dollardai JIÓ kórsetkishi boiynsha Reseidi basyp ozǵany aitylady. Osyǵan qatysty reseilik milliarder Oleg Deripaska pikir bildirdi, dep habarlaidy Dalanews.kz.
2022 jyldan beri Batystyń sanktsiialar tizimine ilingen reseilik kásipker mundai tujyrymdy el "kútpegen habarǵa" jatqyzbaidy. Bul týraly ol óziniń Telegram arnasynda jazdy.
Kásipker Oleg Deripaska HVQ derekterine túsinikteme bere otyryp, bul aradaǵy "ósimniń negizgi faktorlarynyń standartty jiyntyǵyn" atap ótti. Olardyń ishinde: menshik quqyǵyn qorǵaý, sheteldik investorlardy tartý, zańnyń ústemdigi jáne sybailas jemqorlyq deńgeiiniń tómendeýi, sondai-aq júieli memlekettik sektordyń úlesin qysqartý.
"Mańyzdysy, bul aiqyn sharalar jiyntyǵy shynymen de jumys istep tur, oǵan kepildik bere alamyn. Al Qytaimen senimdi logistikalyq dálizderdi qurý, eleýsiz qalýy múmkin emes turaqty nátije berýde", dep jelide jazǵan ol Qazaqstan boiynsha statistika shynaiy ekenin atap ótti.
Aita keteiik, Halyqaralyq valiýta qorynyń boljamyna sáikes, 2025 jyldyń qorytyndysy boiynsha jan basyna shaqqandaǵy Qazaqstannyń dollardai JIÓ kórsetkishi 14,77 myń dollardy, al Reseidiki 14,26 myń dollardy quraidy. Qordyń málimetinshe, 2024 jyly Reseide bul kórsetkish 4,6% -ǵa joǵary bolǵan. Biraq 2025 jyly Reseidiń jan basyna shaqqandaǵy dollardai JIÓ kórsetkishi 3,6% - ǵa kúrt qysqarýy múmkin.
Buǵan deiin saitymyzda bul rette "JIÓ kórsetkishi boiynsha Qazaqstan Resei men Qytaidy basyp ozdy. Sarapshylar ne deidi?" degen maqala jariialanǵan bolatyn.
