Өткен аптада Қазақстан жан басына шаққандағы ЖІӨ көрсеткіші бойынша алғаш рет Ресейді басып озғаны туралы ақпарат тараған. Алайда сарапшылардың бұл ретте бөлек өз ойы бар, деп жазады Dalanews.kz Ұлттық Банктің Telegram арнасына сілтеме жасап.

"Біріншіден, мұндай құбылыс 2015 жылы болған", деп нақтылайды қаржыгер, OD Consulting басқарушы серіктесі Арман Батаев.

"Екіншіден, соңғы 30 жылдағы ретро перспективаны алып қарастырсақ, "посткеңестік" елдердің үздік үштігінен Балтық жағалауы елдері көрінеді, ал көшбасшы әлі күнге дейін өзгеріссіз күйде Эстония болып табылады.  Оның үстіне біздің көрсеткішіміз, негізінен, шикізат тауарларын сатудан түсетін экспорттық кіріс өсімімен қамтамасыз етіледі", - дейді ол.

Ал экономист, DM Technology компаниясының атқарушы директоры Эльдар Шамсутдинов қазақстандықтар үшін аймақтағы көшбасшылық, бұл, ең алдымен, көршілермен салыстырғанда өмір сүру деңгейі мен сатып алу қабілетінің жоғары деңгейімен жанама түрде ерекшелендіруді білдіретінін баса айтады.

"Бірақ бұл табыстың біркелкілігінің кепілі емес: көрсеткішіміз орташа және азаматтардың басым бөлігінің өміріне айтарлықтай әсері болуы  үшін жаңа жұмыс орындарын құратын және әлеуметтік теңсіздікті төмендететін реформалар қажет. Жан басына шаққандағы ЖІӨ көрсеткіші доллармен есептеледі, сондықтан бұл арада ақша бағамы динамикасы шешуші рөл атқарады. Егер рубль құнсызданса, Ресеймен арадағы доллардағы номиналды алшақтық арта түсуі мүмкін, тіпті қазақстандық экономика жедел өссе де. Үнемі алда болу үшін өнімділікті үнемі арттыру, инфрақұрылымды жаңарту және іскерлік ахуалды жақсарту қажет, өйткені базасы төмен аймақ елдері мұндайда теориялық тұрғыдан тезірек қуып жете алады", - деп ескертеді ол.

Бұған дейін сайтымызда "ХВҚ есебі: ЖІӨ көрсеткіші бойынша Қазақстан Ресей мен Қытайды басып озды" деген материал жарияланған болатын.