Ótken aptada Qazaqstan jan basyna shaqqandaǵy JIÓ kórsetkishi boiynsha alǵash ret Reseidi basyp ozǵany týraly aqparat taraǵan. Alaida sarapshylardyń bul rette bólek óz oiy bar, dep jazady Dalanews.kz Ulttyq Banktiń Telegram arnasyna silteme jasap.
"Birinshiden, mundai qubylys 2015 jyly bolǵan", dep naqtylaidy qarjyger, OD Consulting basqarýshy seriktesi Arman Bataev.
"Ekinshiden, sońǵy 30 jyldaǵy retro perspektivany alyp qarastyrsaq, "postkeńestik" elderdiń úzdik úshtiginen Baltyq jaǵalaýy elderi kórinedi, al kóshbasshy áli kúnge deiin ózgerissiz kúide Estoniia bolyp tabylady. Onyń ústine bizdiń kórsetkishimiz, negizinen, shikizat taýarlaryn satýdan túsetin eksporttyq kiris ósimimen qamtamasyz etiledi", - deidi ol.
Al ekonomist, DM Technology kompaniiasynyń atqarýshy direktory Eldar Shamsýtdinov qazaqstandyqtar úshin aimaqtaǵy kóshbasshylyq, bul, eń aldymen, kórshilermen salystyrǵanda ómir súrý deńgeii men satyp alý qabiletiniń joǵary deńgeiimen janama túrde erekshelendirýdi bildiretinin basa aitady.
"Biraq bul tabystyń birkelkiliginiń kepili emes: kórsetkishimiz ortasha jáne azamattardyń basym bóliginiń ómirine aitarlyqtai áseri bolýy úshin jańa jumys oryndaryn quratyn jáne áleýmettik teńsizdikti tómendetetin reformalar qajet. Jan basyna shaqqandaǵy JIÓ kórsetkishi dollarmen esepteledi, sondyqtan bul arada aqsha baǵamy dinamikasy sheshýshi ról atqarady. Eger rýbl qunsyzdansa, Reseimen aradaǵy dollardaǵy nominaldy alshaqtyq arta túsýi múmkin, tipti qazaqstandyq ekonomika jedel ósse de. Únemi alda bolý úshin ónimdilikti únemi arttyrý, infraqurylymdy jańartý jáne iskerlik ahýaldy jaqsartý qajet, óitkeni bazasy tómen aimaq elderi mundaida teoriialyq turǵydan tezirek qýyp jete alady", - dep eskertedi ol.
Buǵan deiin saitymyzda "HVQ esebi: JIÓ kórsetkishi boiynsha Qazaqstan Resei men Qytaidy basyp ozdy" degen material jariialanǵan bolatyn.
